സംസ്ഥാനത്ത് രണ്ട് ദിവസം കൂടി അതിതീവ്ര മഴയ്ക്ക് സാധ്യത
തിരുവനന്തപുരം: സംസ്ഥാനത്ത് ഒറ്റപ്പെട്ട സ്ഥ ങ്ങളില് 20 സെന്റിമീറ്റര് വരെയുള്ള അത്യന്തം കനത്ത മഴയ്ക്ക് സാധ്യതയെന്നു കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. രണ്ടു ദിവസം കൂടി ഈ അതിതീവ്ര മഴ തുടരും. ഇതേതുടര്ന്ന് വ്യാഴാഴ്ചയും വെള്ളിയാഴ്ചയും പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളില് ഓറഞ്ച് അലേര്ട്ട് പ്രഖ്യാപിച്ചു. കൂടാതെ രണ്ടു ദിവസം കൂടി ആലപ്പുഴ, കോട്ടയം, എറ ണാകുളം, ഇടുക്കി, തൃശൂര് എന്നീ ജില്ലകളില് യെല്ലോ അലേര്ട്ടാണ്.
കഴിഞ്ഞ ദിവസങ്ങളില് വലിയ അളവില് മഴ ലഭിച്ച പ്രദേശങ്ങളില് മഴ തുടരുന്ന സാഹചര്യത്തില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണമെന്നാണ് ജാഗ്രതാ നിര്ദേശം നല്കിയിരിക്കുന്നത്.