ന്യൂഡല്ഹി: രാജ്യത്ത് കഴിഞ്ഞ 24 മണിക്കൂറിനിടെ 11,466 പേര്ക്ക് കൂടി കോവിഡ് സ്ഥിരീകരിച്ചതായി കേന്ദ്ര ആരോഗ്യമന്ത്രാലയം . കഴിഞ്ഞ ദിവസത്തെ അപേക്ഷിച്ച് 13.2 ശതമാനം വര്ധനവാണ് ഇന്ന് രേഖപ്പെടുത്തിയത് . പുതുതായി 11,961 പേര് രോഗമുക്തരാകുകയും ചെയ്തു. ഇതോടെ രാജ്യത്തെ ആകെ രോഗമുക്തര് 3,37,87,047 ആയി ഉയര്ന്നു . 3,43,88,579 പേരാണ് രാജ്യത്ത് ഇതുവരെ രോഗബാധിതരായത് .
460 മരണങ്ങളും രാജ്യത്ത് റിപ്പോര്ട്ട് ചെയ്തതോടെ ആകെ മരണ സംഖ്യ 4,61,849 ആയി .നിലവില് 1.39 ലക്ഷം ( 1,39,683) പേരാണ് കോവിഡ് ബാധിച്ച് രാജ്യത്ത് ചികിത്സയില് തുടരുന്നത്. 264 ദിവസത്തിനിടയിലെ കുറഞ്ഞ കണക്കാണിത്. ആകെ രോഗമുക്തി നിരക്ക് 98.25 % ആയി .പ്രതിദിന ടെസ്റ്റ് പോസിറ്റിവിറ്റി നിരക്ക് 0.93 ശതമാനവും പ്രതിവാര ടെസ്റ്റ് പോസിറ്റിവിറ്റി നിരക്ക് 1.25 ശതമാനവും ആണ് .
അതെ സമയം 6,409 പേര്ക്ക് രോഗം സ്ഥിരീകരിച്ച കേരളത്തിലാണ് പ്രതിദിന രോഗികളുടെ എണ്ണം കൂടുതല്.രാജ്യത്ത് കഴിഞ്ഞ 24 മണിക്കൂറിനിടെ 52,69,137 ഡോസ് വാക്സിനാണ് വിതരണം ചെയ്തത് . ഇതോടെ ആകെ വാക്സിനേഷന് 1,09,63,59,208 ആയി ഉയര്ന്നു .