ഋഷഭ് പന്തിന് സെഞ്ച്വറി നഷ്ടം; ഇന്ത്യ ഫോളോ ഓൺ ഭീഷണിയിൽ

ഋഷഭ് പന്തും(91) ചേതേശ്വർ പൂജാരയു(73)മാണ് ഇന്ന് ഇംഗ്ലണ്ടിന് മുന്നിൽ വെല്ലുവിളിയുയർത്തിയവർ. 112 റൺസ് കൂട്ടുകെട്ടാണ് ഇരുവരും ചേർന്ന് ആറാം വിക്കറ്റിൽ പടുത്തുയർത്തിയത്. മികച്ച രീതിയിൽ ബാറ്റിംഗ് തുടർന്ന പൂജാരയുടെ ഇന്നിംഗ്‌സ് 73ലാണ് അവസാനിച്ചത്. സെഞ്ച്വറി 9 റൺസ് അകലെ വച്ചാണ് ഋഷഭിന് നഷ്ടമായത്. മദ്ധ്യനിരയിൽ വിരാട് കോഹ് ലിയെ 11 റൺസിനും അജിങ്ക്യാ രഹാനയെ ഒരു റൺസിനും പുറത്താക്കി ഇംഗ്ലണ്ട് ഇന്ത്യക്ക് കനത്ത ആഘാതമേൽപ്പിച്ചെങ്കിലും പൂജാര-പന്ത് കൂട്ടുകെട്ട് ക്ഷീണം തീർക്കുന്ന പ്രകടനമാണ് പുറത്തെടുത്തത്.