സിന്ധുമോൾ. ആർ
ന്യൂഡല്ഹി: ഗതാഗത മേഖലയില് പുതിയ മാറ്റം ലക്ഷ്യമിട്ട് ബജറ്റില് വോളന്ററി വെഹിക്കിള് സ്ക്രാപ്പിംഗ് പോളിസി പ്രഖ്യാപനം. 20 വര്ഷങ്ങള് പൂര്ത്തീകരിക്കുന്ന എല്ലാ സ്വകാര്യ വാഹനങ്ങള്ക്കും ഫിറ്റ്നെസ് ടെസ്റ്റ് നടത്തണം. വാണിജ്യ ഗതാഗതത്തിന് ഈ കലാവാധി 15 വര്ഷമാണ്.
പഴയതും ഉപയോഗ ശൂന്യവുമായ വാഹനങ്ങള് മാറ്റുന്നതിലൂടെ ഇന്ധന ക്ഷമത വര്ധിപ്പിക്കാനും പരിസ്ഥിതി സൗഹാര്ദമാകുവാനുമാണ് പദ്ധതിയെന്ന് ധനമന്ത്രി പറഞ്ഞു. പദ്ധതി പ്രകാരം മൂന്ന് തവണയില് കൂടുതല് വാഹനം ഫിറ്റ്നെസ് ടെസ്റ്റില് തോറ്റാല് വാഹനം റോഡില് നിന്ന് ഒഴിവാക്കേണ്ടിവരും.