ബെംഗളൂരു: കേരളത്തില് നിന്ന് എത്തുന്ന വിദ്യാര്ത്ഥികള്ക്ക് കൊവിഡ് പരിശോധന കര്ശനമാക്കി കര്ണാടകം. കേരളത്തില് നിന്നുള്ള വിദ്യാര്ത്ഥികളില് കൂടുതല് കൊവിഡ് കേസുകള് റിപ്പോര്ട്ട് ചെയ്ത സാഹചര്യത്തിലാണ് നടപടി. വിദ്യാര്ത്ഥികള്ക്ക് കൊവിഡില്ലാ സര്ട്ടിഫിക്കറ്റ് നിര്ബന്ധം. കൊവിഡില്ലെങ്കിലും കേരളത്തില് നിന്നുള്ള വിദ്യാര്ത്ഥികള് രണ്ടാഴ്ച ക്വാറന്റീനിലിരിക്കണം. പതിനാറാം ദിവസം വീണ്ടും കൊവിഡ് പരിശോധന നടത്തണം.
കോളേജുകളില് കൂട്ടംകൂടുന്നതിനും പരിപാടികള്ക്കും വിലക്ക് ഏര്പ്പെടുത്തിയിട്ടുണ്ട്. ഒമ്രികോണ് വകഭേദം കര്ണാടകയില് ഇല്ലെന്ന് സര്ക്കാര് അറിയിച്ചു. ബെംഗളൂരുവിലെത്തിയ ആഫ്രിക്കന് സ്വദേശികള്ക്ക് പുതിയ വകഭേദമില്ലെന്ന് സ്ഥിരീകരിച്ചു. ഈ മാസം 20 നാണ് ഇവര്ക്ക് കൊവിഡ് സ്ഥിരീകരിച്ചത്. ഒമ്രികോണ് വകഭേദമല്ലെന്ന് പരിശോധനയില് വ്യക്തമായി.
വാക്സിന് എടുത്തവരെപ്പോലും ബാധിക്കുമെന്ന് ആശങ്കയുള്ള കൊവിഡ് വൈറസിന്റെ പുതിയ ജനിതക വകഭേദം ദക്ഷിണാഫ്രിക്കയില് പടരുന്നതിന് പിന്നാലെ ലോകം ആതീവ ജാഗ്രതയില്. ദക്ഷിണാഫ്രിക്കയില് കണ്ടെത്തിയ വൈറസ് ജര്മ്മനിയും ഇസ്രയേലും അടക്കം പത്തോളം രാജ്യങ്ങളിലും ബാധിച്ചിട്ടുണ്ട്. ഈ പശ്ചാത്തലത്തില് ഇന്ത്യയിലും വിവിധ സംസ്ഥാനങ്ങള് നിയന്ത്രണങ്ങള് കടുപ്പിക്കാന് തീരുമാനിച്ചിട്ടുണ്ട്. ഇപ്പോള് നല്കിയിട്ടുള്ള യാത്രാ ഇളവുകളിലാവും ആദ്യ ഘട്ടത്തില് നിയന്ത്രണങ്ങള് നടപ്പിലാക്കുക.
കേരളത്തില് നിന്നും കര്ണാടകയിലേക്ക് യാത്ര ചെയ്യുന്നവര്ക്ക് വീണ്ടും ആര്ടിപിസിആര് നെഗറ്റീവ് സര്ട്ടിഫിക്കേറ്റ് നിര്ബന്ധമാക്കിയിരിക്കുകയാണ് കര്ണാടക സര്ക്കാര്. മുഖ്യമന്ത്രി ബസവരാജ് ബൊമ്മയുടെ നേതൃത്വത്തില് ചേര്ന്ന ഉന്നതതല യോഗത്തിലാണ് ഈ തീരുമാനമെടുത്തത്. പൊതു ഇടങ്ങളില് പ്രത്യേകിച്ച് സര്ക്കാര് ഓഫീസുകള്, മാളുകള്, തീയേറ്ററുകള് എന്നിവിടങ്ങളില് പ്രവേശിക്കുന്നതിന് രണ്ട് ഡോസ് വാക്സിന് എടുക്കണമെന്നത് നിര്ബന്ധമാക്കി.