ഡല്ഹി ; രാജ്യത്ത് കുട്ടികള്ക്കുള്ള കോവിഡ് വാക്സിന് ഉടനെന്ന് കേന്ദ്ര ആരോഗ്യമന്ത്രി മന്സുഖ് മാന്ഡവ്യ. രാജ്യത്ത് 88 ശതമാനം പേര് ആദ്യ ഡോസ് വാക്സിന് സ്വീകരിച്ചു. 137 കോടി വാക്സിന് ഇതുവരെ നല്കിയെന്നും ആരോഗ്യമന്ത്രി അറിയിച്ചു.
രാജ്യത്ത് മൂന്നാം തരംഗം മുന്നില് കണ്ട് എല്ലാ സജ്ജീകരണങ്ങളും ഒരുക്കുകയാണെന്നും മന്ത്രി അറിയിച്ചു. രാജ്യസഭയിലാണ് കേന്ദ്ര ആരോഗ്യമന്ത്രി ഇക്കാര്യങ്ങള് അറിയിച്ചത്. ഇന്ത്യയില് ആകെ 161 പേര്ക്ക് ഇതുവരെ ഒമിക്രോണ് വകഭേദം സ്ഥിരീകരിച്ചു. ഒമിക്രോണ് ഗുരുതരാവസ്ഥ ഇതുവരെ ആരിലും റിപ്പോര്ട്ട് ചെയ്തിട്ടില്ല. രണ്ട് പുതിയ വാക്സിനുകളുടെ അനുമതി പരിഗണനയിലാണെന്നും അദ്ദേഹം അറിയിച്ചു.