മതസ്പർദ്ധ വളർത്തുന്ന സന്ദേശങ്ങൾക്കെതിരെ കർശന നടപടി

തിരുവനന്തപുരം : ആലപ്പുഴ ഇരട്ട കൊലപാതകങ്ങൾക്ക് പിന്നാലെ മതസ്പർദ്ധ വളർത്തുന്ന സന്ദേശങ്ങൾ പ്രചരിപ്പിക്കരുതെന്ന താക്കീതുമായി പോലീസ് . എസ് ഡി പി ഐക്കാരെ കൊണ്ട് പോലീസ് ജയ് ശ്രീറാം വിളിപ്പിച്ചെന്നും മറ്റും ആരോപണം ഉയരുന്ന സാഹചര്യത്തിലാണ് പോലീസിന്റെ ഫേസ്ബുക്ക് പോസ്റ്റ്.

മതസ്പര്‍ദ്ധ വളര്‍ത്തുന്നതും സമൂഹത്തിൽ ചേരിതിരിവുണ്ടാക്കുന്നതുമായ സന്ദേശങ്ങൾ സമൂഹമാദ്ധ്യമങ്ങളിലൂടെ പ്രചരിപ്പിക്കപ്പെടുന്നത് ശ്രദ്ധയിൽപ്പെട്ടിട്ടുണ്ട് . ഇത്തരം സന്ദേശങ്ങൾ സൃഷ്ടിക്കുന്നവർക്കെതിരെയും,പ്രചരിപ്പിക്കുന്നവർക്കെതിരെയും ,ഇത്തരം ഗ്രൂപ്പുകളുടെ അഡ്മിന്മാർക്കെതിരെയും കർശന നടപടി സ്വീകരിക്കുമെന്നാണ് പോലീസിന്റെ ഫേസ്ബുക്ക് പോസ്റ്റ്.