![“Manju”](https://santhigirinews.org/wp-content/uploads/2020/04/YOUTUBE.jpg")
തിരുവനന്തപുരം: തിരുവനന്തപുരത്ത് പി.ആര്‍.എസ് ആശുപത്രിക്ക് സമീപം വന്‍ തീപിടിത്തം. ആക്രിക്കടയിലെ ഗോഡൗണിലാണ് തീപിടിത്തം. ആശുപത്രിയുടെ 50 മീറ്റര്‍ അകലെയാണ് തീപിടിത്തമുണ്ടായത്. സമീപത്തെ വീടുകളിലേക്കും തീപടരുന്നുണ്ട്. തീ അണക്കാനുള്ള അതീവശ്രമം തുടരുകയാണ്. രണ്ട് യൂണിറ്റ് ഫയര്‍ഫോഴ്സ് സ്ഥലത്തെത്തി.
സമീപത്ത് നാലു വീടുകളാണുള്ളത്. അവിടേക്ക് തീ പടര്‍ന്നുപിടിക്കാതിരിക്കാനാണ് ശ്രമം. ആളുകളെ അവിടെനിന്നും മാറ്റുന്നുണ്ട്. തീപിടിത്തത്തിന് മുമ്പ് വന്‍ പൊട്ടിത്തെറി ശബ്ദം കേട്ടെന്ന് നാട്ടുകാര്‍ പറയുന്നു. തീപിടത്തത്തിന്‍റെ കാരണം വ്യക്തമല്ല.
