ചെന്നൈയിലെ മൂന്ന് പ്രധാന സര്ക്കാര് മെഡിക്കല് കോളേജ് കൊവിഡ് ആശുപത്രികളിലെ 50-ലധികം ഡോക്ടര്മാര്ക്കും ആരോഗ്യ പ്രവര്ത്തകര്ക്കും കോവിഡ് -19 പോസിറ്റീവ് സ്ഥിരീകരിച്ചു. വടക്കന് ചെന്നൈയിലെ സ്റ്റാന്ലി മെഡിക്കല് കോളേജില് ഊട്ടിയിലും കൂര്ഗിലും വിനോദയാത്രയ്ക്ക് പോയ 30 വിദ്യാര്ത്ഥികള്ക്ക് കൊറോണ വൈറസ് ബാധ സ്ഥിരീകരിച്ചു. ഇതേ കാമ്പസില് രണ്ട് ബിരുദാനന്തര ബിരുദധാരികള്ക്കും ഏഴ് നഴ്സുമാര് ഉള്പ്പെടെ 14 സ്റ്റാഫ് അംഗങ്ങള്ക്കും രോഗം ബാധിച്ചിട്ടുണ്ട്.
“എല്ലാവരും ക്വാറന്റൈനിലാണ്. അവര് സുരക്ഷിതരാണ്. അവരുടെ എല്ലാ കോണ്ടാക്റ്റുകളും തിരിച്ചറിഞ്ഞിട്ടുണ്ട്, അവര് പോസിറ്റീവ് ആണെങ്കില് ഒറ്റപ്പെടുത്തും,” സ്റ്റാന്ലി കോളേജ് അധികൃതര് അറിയിച്ചു. നഗരത്തിന്റെ ഹൃദയഭാഗത്തുള്ള കില്പോക്ക് മെഡിക്കല് കോളേജ് ആശുപത്രിയില്, കഴിഞ്ഞ ഒരാഴ്ചയ്ക്കിടെ 12 ഡോക്ടര്മാരെങ്കിലും വൈറസിന് പോസിറ്റീവ് ആയി. കഴിഞ്ഞ മാസം ചെന്നൈയിലെ രാജീവ് ഗാന്ധി സര്ക്കാര് മെഡിക്കല് ആശുപത്രിയിലെ 50 ആരോഗ്യ പ്രവര്ത്തകര്ക്ക് രോഗം ബാധിച്ചിരുന്നു.
തമിഴ്നാട്ടില് വെള്ളിയാഴ്ച 8,981 പുതിയ കോവിഡ് -19 കേസുകള് റിപ്പോര്ട്ട് ചെയ്തു. ചെന്നൈ, കോയമ്പത്തൂര്, കാഞ്ചീപുരം, തിരുവള്ളൂര് എന്നിവിടങ്ങളിലാണ് പുതിയ കേസുകളില് ഭൂരിഭാഗവും, സംസ്ഥാന തലസ്ഥാനത്ത് മാത്രം 4,531 കേസുകള് റിപ്പോര്ട്ട് ചെയ്തു.