ചങ്ങനാശ്ശേരി: ഹിദായത്ത് നഗറിലെ പള്ളിവീട്ടിലെ കളിചിരികള് മാഞ്ഞു. ഏകമകനെ നഷ്ടപ്പെട്ട ഷാനവാസിനെയും ജെബിയെയും എങ്ങനെ ആശ്വസിപ്പിക്കണമെന്നറിയാതെ ബന്ധുമിത്രാദികളും ദുഃഖത്തിലാഴ്ന്നു.
എം.സി റോഡില് ബൈക്കപകടത്തിലാണ് അജ്മല് (27) മരിച്ചത്. തന്റെ ബുള്ളറ്റ് ബൈക്കിന്റെ ഇന്ഷുറന്സ് കഴിഞ്ഞതിനാല് സുഹൃത്തിന്റെ ഡ്യൂക്ക് ബൈക്ക് വാങ്ങിയാണ് മരണവീട്ടില് പോയത്. പിന്നീട്, സുഹൃത്ത് രുദ്രാക്ഷിനൊപ്പം പാലാത്ര വര്ക്ക്ഷോപ്പില് നന്നാക്കാന് നല്കിയിരുന്ന കാര് നോക്കാന് പോകുന്നതിനിടെയാണ് അപകടം അജ്മലിന്റെയും രുദ്രാക്ഷിന്റെയും ജീവനെടുത്തത്. ഹരിയാനയിലെ കമ്പനിയില് ജോലിചെയ്തിരുന്ന അജ്മല് കോവിഡിനെത്തുടര്ന്നാണ് നാട്ടിലെത്തിയത്. പിന്നീട് മടങ്ങിപ്പോയില്ല. പിതാവിന്റെയും മാതൃസഹോദരന്റെയും കാറ്ററിങ് സ്ഥാപനങ്ങളിലെ കാര്യങ്ങള് നോക്കിനടത്തിവരുകയായിരുന്നു.