![“Manju”](https://santhigirinews.org/wp-content/uploads/2020/04/YOUTUBE.jpg")
തിരുവനന്തപുരം: എംഎല്‍എയുടെ കാര്‍ അടിച്ച്‌ തകര്‍ത്തു. കോവളം എംഎല്‍എയായ എം വിന്‍സെന്റിന്റെ വാഹനമാണ് തകര്‍ത്തത്. ബൈക്കിലെത്തിയ യുവാവ് കമ്പിപ്പാര ഉപയോഗിച്ചാണ് അടിച്ച്‌ തകര്‍ത്തത്. മുല്ലപ്പെരിയാര്‍ ഡാം പൊട്ടാന്‍ പോകുകയാണെന്നും എംഎല്‍എ ഒരു നടപടിയും എടുത്തില്ലെന്നും പറഞ്ഞാണ് യുവാവ് കാര്‍ അടിച്ച്‌ തകര്‍ത്തത്.
വീടിന് മുന്നില്‍ നിര്‍ത്തിയിട്ടിരുന്ന വാഹനമാണ് തകര്‍ത്തത്. കാര്‍ അടിച്ചു തകര്‍ത്ത യുവാവിനെ നാട്ടുകാര്‍ പിടികൂടി പോലീസില്‍ ഏല്‍പ്പിച്ചു. വിഴിഞ്ഞം ഉച്ചക്കട സ്വദേശി സന്തോഷാണ് പിടിയിലായത്. ഇയാള്‍ മാനസിക അസ്വാസ്ഥ്യം ഉള്ളയാളാണെന്ന് പോലീസ് വ്യക്തമാക്കി. സംഭവത്തില്‍ ബാലരാമപുരം പോലീസ് കേസെടുത്തു.
