റഷ്യന് സൈന്യത്തെക്കുറിച്ച് വ്യാജവാര്ത്തകള് പ്രചരിപ്പിച്ചാല് തടവുശിക്ഷ
റഷ്യന് സൈന്യത്തെക്കുറിച്ചുള്ള വ്യാജവാര്ത്തകള് പ്രചരിപ്പിച്ചാല് തടവുശിക്ഷ ലഭിക്കുന്ന പുതിയ നിയമത്തില് പ്രസിഡന്റ് വ്ലാദിമിര് പുടിന് ഒപ്പുവച്ചു. ഫേസ്ബുക്കും ട്വിറ്ററും അടക്കമുള്ള സമൂഹമാധ്യമങ്ങള്ക്കും റഷ്യ നിയന്ത്രണം ഏര്പ്പെടുത്തി. റഷ്യയ്ക്കെതിരെ ഉപരോധം ആവശ്യപ്പെട്ടാല് പിഴയോ ജയില് ശിക്ഷയോ അനുവദിക്കുന്ന ബില്ലിലും പുടിന് ഒപ്പുവച്ചു.
അതിനിടെ, സമാധാനം ആഗ്രഹിക്കുന്ന ആരുമായും ചര്ച്ചയാവാമെന്നും പുടിന് പറഞ്ഞു. യുക്രെയ്ന്- റഷ്യ മൂന്നാംവട്ട സമാധാന ചര്ച്ച ഉടനുണ്ടായേക്കും. എന്നാല്, ചര്ച്ച എവിടെ നടക്കുമെന്നതില് വ്യക്തത വന്നിട്ടില്ല. അതേസമയം, നാറ്റോയ്ക്കെതിരെ വിമര്ശനവുമായി യുക്രൈന് പ്രസിഡന്റ് വ്ളാഡിമര് സെലന്സ്കി രംഗത്തെത്തി. നോ ഫ്ലൈ സോണ് ആവശ്യം അംഗീകരിക്കാത്തതിനെതിരെയാണ് പ്രതിഷേധം. ബോംബ് വര്ഷിക്കാന് പച്ചക്കൊടി കാണിക്കുന്നത് പോലെയാണ് നാറ്റോയുടെ നടപടിയെന്നാണ് സെലന്സ്കി പറയുന്നത്.