ഓഹരി തട്ടിപ്പ്; ഏഴ് ഇന്ത്യക്കാര്ക്കെതിരെ കേസ്
സോഫ്റ്റ്വെയര് കമ്പനിയുടെ ഓഹരി രഹസ്യങ്ങള് സുഹൃത്തുക്കള്ക്കും ബന്ധുക്കള്ക്കും ചോര്ത്തി നല്കി കോടികള് സമ്പാദിച്ച ഏഴ് ഇന്ത്യക്കാരായ ജീവനക്കാര്ക്കെതിരെ യുഎസില് കേസെടുത്തു. കമ്പനിയുടെ ഓഹരിമൂല്യം വര്ധിക്കുമെന്ന വിവരം മുന്കൂട്ടി അറിഞ്ഞ് നടത്തുന്ന ഇന്സൈഡര് ട്രേഡിംഗിലൂടെ ഏഴര കോടിയോളം രൂപ ഇവര് സമ്പാദിച്ചെന്നാണ് കുറ്റം.
സാന്ഫ്രാന്സിസ്കോ ആസ്ഥാനമായി പ്രവര്ത്തിക്കുന്ന ക്ലൗഡ് കംമ്പ്യൂട്ടിംഗ് വിവര വിനിമയ കമ്പനിയായ “ട്വിലിയോ’യിലാണ് തട്ടിപ്പ് നടന്നത്. കമ്പനിയിലെ സോഫ്റ്റ്വെയര് എന്ജിനീയര്മാരായ ഹരിപ്രസാദ് സുരേ (34), ലോകേഷ് ലഗുഡു (31), ചോട്ടു പ്രഭു തേജ് പുളഗം (29) എന്നീ സുഹൃത്തുക്കളാണ് തട്ടിപ്പിന് നേതൃത്വം നല്കിയത്.