പരിശോധന കൂട്ടും; കേരളം രക്ഷപ്പെടാൻ ശക്തമായ ക്വാറന്റീൻ വേണം: മന്ത്രി

സിന്ധുമോള്‍ ആര്‍

കോവിഡ് റെഡ് സോണുകളില്‍ നിന്നെത്തുന്നവരുടെ പരിശോധന കൂട്ടുമെന്ന് ആരോഗ്യ മന്ത്രി കെ കെ ശൈലജ. കേരളം രക്ഷപ്പെടാന്‍ ശക്തമായ ക്വാറന്റീന്‍ വേണം. ആഭ്യന്തര വിമാനങ്ങളിലെത്തുന്നവര്‍ക്കും രണ്ടാഴ്ച ക്വാറന്റീന്‍ വേണം.

വരുന്ന ആളുകളിൽ നിന്ന് രോഗവ്യാപനം തടയുക എന്നതാണ് കേരളത്തിന്റെ ലക്ഷ്യം. രോഗികളുടെ എണ്ണം കൂടിയാൽ നമ്മുക്ക് പിടിച്ചുനിൽക്കാൻ സാധിക്കാത്ത അവസ്ഥ വരും. അതേസമയം, ഇന്നലെ മരിച്ചവരോട് ഒപ്പം വന്നവരും നിരീക്ഷണത്തിലാണെന്നും മന്ത്രി പറഞ്ഞു.