പ്രഗതി മൈതാൻ ഇടനാഴി പ്രധാനമന്ത്രി മോദി നാളെ ഉദ്ഘാടനം ചെയ്യും

ന്യൂഡൽഹിയിൽ പ്രഗതി മൈതാൻ ഇന്റഗ്രേറ്റഡ് ട്രാൻസിറ്റ് കോറിഡോർ പദ്ധതിയുടെ പ്രധാന തുരങ്കവും അഞ്ച് അടിപ്പാതകളും പ്രധാനമന്ത്രി നരേന്ദ്ര മോദി നാളെ ഉദ്ഘാടനം ചെയ്യും. പദ്ധതി രാഷ്‌ട്രത്തിന് സമർപ്പിച്ച ശേഷം പ്രധാനമന്ത്രി സമ്മേളനത്തെയും അഭിസംബോധന ചെയ്യും. പ്രഗതി മൈതാന പുനർവികസന പദ്ധതിയുടെ അവിഭാജ്യ ഘടകമായിരുന്ന സംയോജിത ട്രാൻസിറ്റ് കോറിഡോർ 920 കോടിയിലധികം രൂപ ചെലവിലാണ് നിർമ്മിച്ചിരിക്കുന്നത്. ഇത് പൂർണമായും കേന്ദ്രത്തിന്റെ ഫണ്ടാണ്.

പ്രഗതി മൈതാനിയിൽ വികസിപ്പിച്ചുകൊണ്ടിരിക്കുന്ന പുതിയ ലോകോത്തര എക്സിബിഷൻ കൺവെൻഷൻ സെന്ററിലേക്ക് തടസ്സരഹിതവും സുഗമവുമായ പ്രവേശനം ലഭ്യമാക്കുക, അതുവഴി പ്രഗതി മൈതാനത്ത് നടക്കുന്ന പരിപാടികളിൽ പ്രദർശകർക്കും സന്ദർശകർക്കും എളുപ്പത്തിൽ പങ്കെടുക്കാൻ സൗകര്യമൊരുക്കുകയാണ് ഇതിലൂടെ ലക്ഷ്യമിടുന്നതെന്ന് പ്രധാനമന്ത്രിയുടെ ഓഫീസ് അറിയിച്ചു.

പദ്ധതിയുടെ ഗുണം പ്രഗതി മൈതാനത്തിനത്തിലേക്ക് പോകുന്നതിനപ്പുറം തടസ്സരഹിതമായ വാഹന ഗതാഗതം ഉറപ്പാക്കുകയും യാത്രക്കാരുടെ സമയവും ചെലവും വലിയ രീതിയിൽ ലാഭിക്കാൻ സഹായിക്കുകയും ചെയ്യും. ഇത് സമഗ്രമായ കാഴ്ചപ്പാടിന്റെ ഭാഗമാണ്. നഗര അടിസ്ഥാന സൗകര്യങ്ങൾ പരിവർത്തനം ചെയ്യുന്നതിലൂടെ ജനങ്ങൾക്ക് എളുപ്പമുള്ള ജീവിതം ഉറപ്പാക്കാക്കുകയാണ് കേന്ദ്ര സർക്കാർ.

പ്രഗതി മൈതാൻ ഇന്റഗ്രേറ്റഡ് ട്രാൻസിറ്റ് കോറിഡോർ പ്രധാന തുരങ്കം റിംഗ് റോഡിനെ ഇന്ത്യാ ഗേറ്റുമായി ബന്ധിപ്പിക്കുന്നത് പ്രഗതി മൈതാനത്തിലൂടെ കടന്നുപോകുന്ന പുരാണ കില റോഡ് വഴിയാണ്. ആറുവരി തുരങ്കത്തിന് പ്രഗതി മൈതാനത്തിന്റെ ബേസ്മെന്റ് വിഭജനത്തിലേക്കുള്ള പ്രവേശനം ഉൾപ്പെടെ ഒന്നിലധികം ഉദ്ദേശ്യങ്ങളുണ്ട്. ‘പാർക്കിംഗ് സ്ഥലത്തിന്റെ ഇരുവശത്തുനിന്നും ഗതാഗതം സുഗമമാക്കുന്നതിന് പ്രധാന ടണൽ റോഡിന് താഴെ രണ്ട് ക്രോസ് ടണലുകൾ നിർമ്മിച്ചിട്ടുണ്ട് എന്നതാണ് തുരങ്കത്തിന്റെ സവിശേഷത.

സ്മാർട്ട് ഫയർ മാനേജ്മെന്റ്, ഓട്ടോമേറ്റഡ് ഡ്രെയിനേജ്, ആധുനിക വെന്റിലേഷൻ, പബ്ലിക് അനൗൺസ്മെന്റ് സിസ്റ്റം, ഡിജിറ്റലായി നിയന്ത്രിത സിസിടിവി എന്നിവയുൾപ്പെടെ ഏറ്റവും പുതിയ ആഗോള നിലവാരമുള്ള സൗകര്യങ്ങളോടെയാണ് സംയോജിത ട്രാൻസിറ്റ് കോറിഡോർ സജ്ജീകരിച്ചിരിക്കുന്നത്. ഈ തുരങ്കം ഭൈറോൺ മാർഗിന് പകരമായി പ്രവർത്തിക്കും.