തിരുവനന്തപുരം: വാഹനാപകടത്തില് ഗുരുതരമായി പരിക്കേറ്റ് ആരും എടുക്കാതെ അരമണിക്കൂറോളം റോഡില് കിടന്ന യുവാവിനെ ആശുപത്രിയിലെത്തിച്ച് മെഡിക്കല് കോളേജ് ജീവനക്കാരി. വാമനപുരം ആനാകുടി അമ്പാടി ഹൗസില് അഖിലിനെയാണ് വെഞ്ഞാറമൂട് സ്വദേശിയും മെഡിക്കല് കോളേജ് പ്രിന്സിപ്പല് ഓഫീസ് ക്ലര്ക്കുമായ അക്ഷര മെഡിക്കല് കോളേജ് ആശുപത്രിയില് എത്തിച്ചത്. വെള്ളിയാഴ്ച രാവിലെയാണ് ബൈക്ക് ലോറിയിൽ ഇടിച്ച് അഖിലിന് പരിക്കേറ്റത്. ഓഫീസിലേക്കു പോകുമ്പോള് രക്തം വാര്ന്നു കിടക്കുന്ന യുവാവിനെ കണ്ട അക്ഷര അതുവഴി വന്ന ബാലരാമപുരം പോലീസ് സ്റ്റേഷനിലെ ജീപ്പ് കൈകാണിച്ചു നിര്ത്തി അതില് പരിക്കേറ്റ അഖിലിനെയും കയറ്റി മെഡിക്കല് കോളേജ് ആശുപത്രിയിലെത്തിക്കുകയായിരുന്നു. ഐ.സി.യു.വില് പ്രവേശിപ്പിച്ച അഖിലിന്റെ ബന്ധുക്കളെത്തിയ ശേഷമാണ് അക്ഷര അവിടെനിന്നു പോയത്. കൃത്യസമയത്ത് എത്തിച്ചതിനാലാണ് യുവാവിന്റെ ജീവന് രക്ഷിക്കാനായതെന്ന് ഡോക്ടര്മാര് പറഞ്ഞു.
Related Articles
റഷ്യയില് സൈനിക വിമാനം തീപിടിച്ച് തകര്ന്നുവീണു
March 13, 2024 12:41 PM
കൊറോണ വൈറസിന് വ്യതിയാനം വന്നാലും വാക്സീന്റെ ഫലപ്രാപ്തിയെ ബാധിക്കില്ലെന്ന് പഠനം
October 15, 2020 11:36 AM
Check Also
Close
-
കൊവിഡ് കാലത്ത് ജോലി നഷ്ടപ്പെട്ടവര്ക്ക് ആശ്വാസവുമായി കേന്ദ്രസര്ക്കാര്October 17, 2020 4:02 PM