രണ്ട് ദിവസം നീണ്ടുനിന്ന ഷോപ്പിയാനിലെ ഏറ്റുമുട്ടൽ അവസാനിച്ചെന്ന് സൈന്യം

ന്യൂഡൽഹി: ഷോപ്പിയാനിൽ ഭീകരരുമായുണ്ടായ ഏറ്റുമുട്ടൽ അവസാനിച്ചെന്ന് സൈന്യം. മൂന്നാമത്തെ ഭീകരനെയും വധിച്ച ശേഷമാണ് സൈന്യം ഇക്കാര്യം അറിയിച്ചത്. ഇക്കഴിഞ്ഞ ശനിയാഴ്ചയാണ് ഏറ്റുമുട്ടൽ ആരംഭിച്ചത്.

സജ്ജാദ് അഫ്ഗാനി, ജഹാംഗീർ അഹമ്മദ് വാനി എന്നിവരെ സൈന്യം നേരത്തെ തന്നെ വധിച്ചിരുന്നു. സജ്ജാദ് അഫ്ഗാനി ജെയ്‌ഷെ മുഹമ്മദ് കമാൻഡറായിരുന്നു. ജെയ്ഷിലേക്ക് പുതിയ യുവാക്കളെ റിക്രൂട്ട് ചെയ്യുന്നതിൽ ഇയാളാണ് പ്രധാന പങ്ക് വഹിച്ചത്. ഏറ്റുമുട്ടലിന്റെ ആദ്യ മണിക്കൂറിൽ തന്നെ ലഷ്‌കർ-ഇ-ത്വായ്ബയുമായി അടുത്ത ബന്ധം പുലർത്തിയ ജഹാംഗീർ അഹമ്മദ് വാനിയെ വധിക്കാൻ സൈന്യത്തിന് സാധിച്ചിരുന്നു.