കോവിഡ് പോരാളികള്ക്ക് ആദരവായി സ്റ്റാമ്പ്
ദോഹ: കോവിഡ് മുന്നണിപ്പോരാളികള്ക്ക് ആദരവായി തപാല് സ്റ്റാമ്പ്. പുറത്തിറക്കി ഖത്തര് പോസ്റ്റല് സര്വിസ് കമ്പനിയായ ക്യൂ പോസ്റ്റ്. കോവിഡ് വ്യാപനത്തിനിടയില് സ്വജീവന് അര്പ്പിച്ചും വെല്ലുവിളി ഏറ്റെടുത്തും കഠിനാധ്വാനം ചെയ്ത ആരോഗ്യപ്രവര്ത്തകര്, ഡോക്ടര്മാര്, പൊലീസ്-സൈനിക വിഭാഗങ്ങള്, തപാല് ജീവനക്കാര് എന്നിവര്ക്ക് ആദരവായാണ് ഖത്തര് പോസ്റ്റ് തപാല് സ്റ്റാമ്പ് പുറത്തിറക്കിയത്. ഏഴു റിയാല് വിലയുള്ള രണ്ടു സെറ്റ് സ്റ്റാമ്പാണ് തയാറാക്കിയത്. ഡോക്ടര്മാര്, ആരോഗ്യപ്രവര്ത്തകര്, സൈനിക-പൊലീസ് വിഭാഗങ്ങള് തുടങ്ങി കോവിഡിനെതിരായ പോരാട്ടത്തില് വിവിധ മേഖലകളില് നേതൃത്വം നല്കിയവരെ പ്രതിനിധാനം ചെയ്യുന്ന ചിത്രങ്ങള് പതിപ്പിച്ചാണ് തപാല് സ്റ്റാമ്പ് പുറത്തിറക്കിയത്. 3.50റിയാല് വിലയുള്ള രണ്ട് സ്റ്റാമ്പാകള് ചേര്ന്നാണ് ഒരു സെറ്റ്. രാജ്യത്തിന്റെ ചരിത്രനിമിഷങ്ങള് തപാല്മുദ്രകളില് പതിപ്പിച്ച് പൊതുജനങ്ങളിലേക്ക് എത്തിക്കുന്ന ദൗത്യത്തിന്റെ ഭാഗമായാണ് കോവിഡ് മുന്നണി പോരാളികള്ക്ക് പരിഗണന നല്കി സ്റ്റാമ്പിറക്കുന്നത്.