പ്രശസ്ത ഗ്രന്ഥകാരനും ചരിത്ര ഗവേഷകനും നോവലിസ്റ്റും പുരാരേഖ വകുപ്പില് ആര്ക്കിവിസ്റ്റ്മായിരുന്ന പ്ലാവിള ഗീതത്തില് ഡി ദയാനന്ദന്(69) അന്തരിച്ചു. ചെ ഗുവേരയുടെ ‘ബൊളീവിയന് ഡയറി ‘ഉള്പ്പെടെയുള്ള നിരവധി വിവര്ത്തനങ്ങളും ചരിത്ര ലേഖനങ്ങളും അടക്കം 20 ഓളം പുസ്തകങ്ങളുടെ രചയിതാവാണ്.
റേഡിയോ പ്രഭാഷകന് , കൈരളി ടിവി യില് ചരിത്ര സാംസ്കാരിക പരിപാടികളുടെ അവതാരകന് എന്നീ നിലകളിലും പ്രവര്ത്തിച്ചിട്ടുണ്ട് . കെ.ജി.ഒ.എ, പുരോഗമന കലാ സാഹിത്യ സംഘം എന്നീ സംഘടനകളുടെ സജീവ പ്രവര്ത്തകനായിരുന്നു. മൈത്രി ബുക്സിനു വേണ്ടി ചെയ്തിട്ടുള്ള അദ്ദേഹത്തിന്റെ ‘ഭൗതികവാദിയായ ക്രിസ്തു ‘ എന്ന പുസ്തകം 2006-ലെ സുരഭി അവാര്ഡിന് അര്ഹമായിട്ടുണ്ട്. ഭാര്യ: ഗീത ഭായി, മകന് നെബു (ബാംഗ്ലൂര് ),അബു (വനിതാ ശിശു വികസന വകുപ്പ്, ഹരിപ്പാട്)