മുടങ്ങി​യ പോളി​സി​കള്‍ പുതുക്കാന്‍ എല്‍. ഐ.സി​

മുംബയ്: തവണകള്‍ അടക്കുന്നതി​ല്‍ വീഴ്ച്ച വന്നതും കാലാവധി​ പൂര്‍ത്തീകരി​ക്കാത്തതുമായ പോളി​സി​കള്‍ പുതുക്കാന്‍ ഉപഭോക്താക്കള്‍ക്ക് എല്‍. ഐ.സി​ അവസരമൊരുക്കുന്നു. യൂലി​പ് പോളി​സി​കള്‍ ഒഴി​കെയുള്ള പോളി​സി​കള്‍ക്ക് ആദ്യമായി​ പ്രീമി​യം മുടങ്ങപ്പോയത് മുതല്‍ അഞ്ചുവര്‍ഷം വരെയുള്ള കാലാവധി​ക്കുള്ളി​ല്‍ പോളി​സി​ പുനരാരംഭി​ക്കാം. ഓഗസ്റ്റ് 17 മുതല്‍ ഒക്ടോബര്‍ 21 വരെയാണ് പദ്ധതി​ കാലാവധി​.

ഏതെങ്കി​ലും പ്രത്യേക സാഹചര്യത്തി​ല്‍ പ്രീമി​യം അടക്കാന്‍ പറ്റാതെ പോളി​സി​ ​മുടങ്ങി​പ്പോയവര്‍ക്ക് ഈ അവസരം പ്രയോജനപ്പെടുത്താം. ലേറ്റ് ഫീസില്‍ വളരെ ആകര്‍ഷകമായ ഇളവുകളും പ്രഖ്യാപിച്ചിട്ടുണ്ട്. ആകെ ഒരു ലക്ഷം രൂപ വരെ പ്രീമിയം തിരികെ ലഭിക്കാനുള്ള പോളിസികള്‍ക്ക് 25 ശതമാനം വരെ ഇളവ് ലഭി​ക്കും. പരമാവധി ഇളവ് 2500 രൂപ വരെയാണ്. 1,00,001 രൂപ മുതല്‍ 3 ലക്ഷം രൂപ വരെ മൊത്തം പ്രീമിയം ലഭ്യമാകുന്ന പോളിസികള്‍ക്ക് 25 ശതമാനം വരെ ഇളവുണ്ടാവും. പരമാവധി ഇളവ് 3000 രൂപ. 3,00,001 രൂപയും അതിനുമുകളിലും മൊത്തം ലഭിക്കാവുന്ന പ്രീമിയമുള്ള പോളിസികള്‍ക്ക് 30 ശതമാനം വരെ ഇളവുണ്ട്, പരമാവധി ഇളവ് 3500 രൂപയും.