ന്യൂനപക്ഷ സ്കോളര്ഷിപ്പ്: അനുപാതം പുനഃക്രമീകരിക്കാൻ തീരുമാനം
തിരുവനന്തപുരം: ന്യൂനപക്ഷ വിദ്യാര്ത്ഥി സ്കോളര്ഷിപ്പിനുള്ള അനുപാതം പുനഃക്രമീകരിക്കാന് തീരുമാനം. ഇന്ന് ചേർന്ന മന്ത്രിസഭാ യോഗത്തിലാണ് ഇത് സംബന്ധിച്ച് തീരുമാനമെടുത്തത്. ഹൈക്കോടതി വിധി അനുസരിച്ച് 2011 ലെ സെന്സസ് പ്രകാരം ജനസംഖ്യാടിസ്ഥാനത്തില് ഒരു കമ്മ്യൂണിറ്റിക്കും ആനുകൂല്യം നഷ്ടപ്പെടാതെ ഇത് അനുവദിക്കാനാണ് മന്ത്രിസഭാ യോഗത്തിൽ തീരുമാനിച്ചിരിക്കുന്നത്.
ക്രിസ്ത്യന് 18.38%, മുസ്ലീം 26.56%, ബുദ്ധര് 0.01%, ജൈന് 0.01%, സിഖ് 0.01% എന്നിങ്ങനെയാണ് അനുപാതം പുനഃക്രമീകരിക്കുന്നത്. ഈ ന്യൂനപക്ഷ സമുദായങ്ങളില് അപേക്ഷകര് ഉള്ളപ്പോള് നിലവില് ആനുകൂല്യങ്ങള് ലഭിക്കുന്ന വിഭാഗങ്ങള്ക്ക് ഇപ്പോള് ലഭിക്കുന്ന എണ്ണത്തിലോ തുകയിലോ കുറവുണ്ടാവില്ല. സ്കോളര്ഷിപ്പിനായി 23.51 കോടി രൂപ ആവശ്യമുള്ളതില് ബജറ്റ് വിഹിതം കഴിച്ച് 6.2 കോടി രൂപ അധികമായി അനുവദിക്കാനും മന്ത്രിസഭ തീരുമാനിച്ചിട്ടുണ്ട്.
ന്യുനപക്ഷ അനുപാത വിഷയത്തിൽ നേരത്തെ ഹൈക്കോടതി റദ്ദാക്കിയിരുന്നു. ഇത് സംബന്ധിച്ച് രൂക്ഷ വിമർശനമാണ് ഹൈക്കോടതി സർക്കാരിനെതിരെ നടത്തിയത്. ഇതിന്റെ പശ്ചാത്തലത്തിൽ കൂടിയാണ് അനുപാതം പുനഃക്രമീകരിക്കാൻ സർക്കാർ തീരുമാനിച്ചത്.