![“Manju”](https://santhigirinews.org/wp-content/uploads/2020/04/YOUTUBE.jpg")
ജിദ്ദ: അല്‍മുന്‍തസഹാതിലെ കെട്ടിടങ്ങള്‍ പൊളിക്കുന്ന ജോലികള്‍ ആരംഭിച്ചു. ചേരി വികസനം ലക്ഷ്യമിട്ട് ജിദ്ദയുടെ വിവിധ ഭാഗങ്ങളിലെ പുരാതന കെട്ടിടങ്ങള്‍ പൊളിക്കുന്നതിന്റെ തുടര്‍ച്ചയായാണ് മുന്‍തസഹാത്തിലെ കെട്ടിടങ്ങള്‍ പൊളിച്ചു നീക്കുന്നത്. പ്രദേശത്തെ താമസക്കാര്‍ക്ക് വീടുകള്‍ ഒഴിയാനുള്ള അറിയിപ്പ് കാലാവധി കഴിഞ്ഞ ദിവസം അവസാനിച്ചിരുന്നു. അതേ സമയം, നിശ്ചിത പ്ലാന്‍ അനുസരിച്ച്‌ ജിദ്ദയിലെ ചേരി കമ്മിറ്റി അതിന്റെ പ്രവര്‍ത്തനം തുടരുകയാണ്. കമ്മിറ്റിയുടെ ആസ്ഥാനം വഴിയോ ജിദ്ദ മുനിസിപ്പാലിറ്റിയുടെ വെബ്‌സൈറ്റ് വഴിയോ പൊളിച്ചുനീക്കുന്ന സ്ഥലങ്ങളിലെ താമസക്കാര്‍ക്ക് സേവനങ്ങള്‍ നല്‍കുന്നത് തുടരുമെന്ന് കമ്മിറ്റി വ്യക്തമാക്കി. മുന്‍തസഹാത്തിലെ കെട്ടിടങ്ങള്‍ നീക്കം ചെയ്യല്‍ ആരംഭിച്ചതോടെ നിലവില്‍ കെട്ടിടങ്ങള്‍ നീക്കം ചെയ്ത ഡിസ്ട്രിക്റ്റുകളുടെ എണ്ണം 29 ആയി. 32 ഡിസ്ട്രിക്റ്റുകളിലെ ചേരികളാണ് പൊളിക്കുന്നത്. ഇനി മൂന്ന് ഡിസ്ട്രിക്റ്റുകളിലെ കെട്ടിടങ്ങള്‍ പൊളിച്ചു നീക്കാനുണ്ടെന്ന് അധികൃതര്‍ അറിയിച്ചു.
