മണ്ണെണ്ണ ഉത്പാദനം അവസാനിപ്പിക്കുന്നു

തിരുവനന്തപുരം: രാജ്യത്ത് മണ്ണെണ്ണ ഉത്പാദനം കേന്ദ്രം അവസാനിപ്പിക്കുന്നു. രണ്ട് വര്‍ഷത്തിനകം ഉത്പാദനം പൂര്‍ണമായും നിര്‍ത്താനാണ് തീരുമാനമെന്ന് ഭക്ഷ്യമന്ത്രി ജി ആര്‍ അനിലാണ് അറിയിച്ചത്. പൊതുവിതരണ, പെട്രോളിയം മന്ത്രാലയ സെക്രട്ടറിമാരുമായി നടത്തിയ കൂടിക്കാഴ്ചക്ക് ശേഷമാണ് ഭക്ഷ്യമന്ത്രി ഇക്കാര്യം അറിയിച്ചത്. കേരളത്തിനുള്ള സബ്‌സിഡി മണ്ണെണ്ണ വിഹിതം വര്‍ധിപ്പിക്കില്ലെന്നും കേന്ദ്രം അറിയിച്ചതായും അദ്ദേഹം പറഞ്ഞു.

കേരളത്തിന് ആവശ്യമായ മണ്ണെണ്ണ കഴിഞ്ഞ ക്വാര്‍ട്ടറില്‍ അന്‍പത് ശതമാനം വെട്ടിക്കുറച്ചെന്നും ഇത് പുനഃസ്ഥാപിക്കണമെന്ന് ആവശ്യപ്പെട്ടപ്പോള്‍ കഴിയില്ലെന്നാണ് മറുപടി ലഭിച്ചതെന്നും മന്ത്രി വ്യക്തമാക്കി.