ഡിണ്ടിഗല്: കൊടൈക്കനാലിലെ ഗുണ കേവിലെ നിരോധിത മേഖലയില് ഇറങ്ങിയ മൂന്നു യുവാക്കള് അറസ്റ്റില്. റാണിപേട്ട് സ്വദേശികളായ എസ്.വി ജയ് (24), പി .ഭരത് (24), പി .രഞ്ജിത്ത്കുമാര് (24) എന്നിവരാണ് അറസ്റ്റിലായത്. വിവരം ലഭിച്ചയുടന് വനം വകുപ്പ് ഉദ്യോഗസ്ഥരെത്തി മൂന്നു പേരെയും അറസ്റ്റ് ചെയ്യുകയായിരുന്നു. കേരളത്തിനു പുറമേ തമിഴ്നാട്ടിലും ‘മഞ്ഞുമ്മല് ബോയ്സ്’ സിനിമ തരംഗമായതോടെ കൊടൈക്കനാലിലേക്കും ഗുണ കേവിലേക്കും സഞ്ചാരികളുടെ കുത്തൊഴുക്കാണ്. കൊടൈക്കനാലിലേക്ക് പോകുന്ന സംഘത്തിലൊരാള് ഗുണ കേവില് അകപ്പെടുന്നതാണ് സിനിമയുടെ പ്രമേയം.
ഓഫ് സീസണ് ആയിട്ടു കൂടി ചിത്രം ഉണ്ടാക്കിയ സ്വാധീനത്താല് നൂറുകണക്കിന് സഞ്ചരികളാണ് ഗുണ കേവ് സന്ദര്ശിക്കാനായി എത്തിക്കൊണ്ടിരിക്കുന്നത്. ഒരാഴ്ചയ്ക്കുള്ളില് 40,000 വി നോദ സഞ്ചാരികളാണ് ഇവിടേക്ക് എത്തിയതെന്നാണ ്കണക്ക്. സഞ്ചാരികളുടെ എണ്ണത്തില് വന് വര്ധനയാണ് രേഖപ്പെടുത്തിയതെന്നാണ് വനം വകുപ്പ് ഉദ്യോഗസ്ഥനായആര്.സെന്തില് ഒരു ദേശീയമാധ്യമത്തോട്പറഞ്ഞു.
ഫെബ്രുവരിയില് മാത്രം ഒരു ലക്ഷം പേരാണ് ഗുണ കേവിലേക്ക് എത്തിയത്. സിനിമയുടെ വിജയം പരോക്ഷമായി ജില്ല ഭരണകൂത്തിന്റേയും ഫോറസ്റ്റ് ഡിപ്പാര്ട്ട്മെന്റിന്റെയും പ്രദേശ വാസികളുടേയും വരുമാനം വര്ധിപ്പിക്കുകയാണെന്നും സെന്തില് പറഞ്ഞു.