ബൂമ്രയുടെ വിവാഹം ഈ മാസം 14ന്; വധു മിസ് ഇന്ത്യ ഫൈനലിസ്റ്റ്
ഇന്ത്യൻ പേസർ ജസ്പ്രീത് ബൂമ്രയുടെ വിവാഹം ഈ മാസം നടക്കും. 14നും 15നുമായി ഗോവയിലാകും ചടങ്ങുകൾ നടക്കുകയെന്ന് താരത്തിന്റെ കുടുംബാംഗങ്ങളെ ഉദ്ദരിച്ച് ഒരു ദേശീയം മാദ്ധ്യമം റിപ്പോർട്ട് ചെയ്യുന്നു. ടെലിവിഷൻ അവതാരക സഞ്ജന ഗണേശനാണ് വധു. വിവാഹ ഒരുക്കങ്ങൾക്ക് വേണ്ടി ബൂമ്ര ഇന്ത്യൻ ടീമിൽ നിന്ന് അവധി എടുത്തിരിക്കുകയാണ്.
2014ലെ മിസ് ഇന്ത്യ ഫൈനലിസ്റ്റാണ് സഞ്ജന. ഐപിഎല്ലില് സ്റ്റാര് സ്പോര്ട്സിലെയും പ്രീമിയര് ബാഡ്മിന്റണ് ലീഗിലെയും അവതാരകയായും 28കാരിയയാ സഞ്ജന എത്തിയിട്ടുണ്ട്. റിയാലിറ്റി ടിവി ഷോ ആയ എം ടിവി സ്പ്ലിറ്റ്വില്ല-7ലെ മത്സരാര്ത്ഥിയായിരുന്നു.
ഇംഗ്ലണ്ടിനെതിരായ നാലാം ടെസ്റ്റിൽ നിന്ന് അവധി ചോദിച്ചതോടെയാണ് ബൂമ്രയുടെ വിവാഹ വാർത്ത ചർച്ചാ വിഷയമാകുന്നത്. ചില വ്യക്തിപരമായ കാരണങ്ങളെന്ന പേരിൽ ഇംഗ്ലണ്ടിനെതിരായ ടി 20 പരമ്പരയിൽ നിന്നും ബൂമ്ര ഒഴിവായിരുന്നു. വിവാഹ വാർത്ത ചർച്ചയായതോടെ വധു ആര് എന്ന ചോദ്യവും ഉയർന്നു. ഇടയ്ക്ക് മലയാളി ചലച്ചിത്ര താരം അനുപമ പരമേശ്വരാണ് വധു എന്ന തരത്തിലും വാർത്തകൾ വന്നിരുന്നു. ഇരുവരും പരസ്പരം സാമൂഹിക മാദ്ധ്യമങ്ങളിൽ ഫോളോ ചെയ്യുന്നതാണ് സംശയങ്ങൾക്ക് വഴിവച്ചത്. എന്നാൽ വാർത്തകൾ അനുപമയുടെ കുടുംബം നിഷേധിക്കുകയായിരുന്നു.