ഐക്കോണിക് ലോഫ്റ്റഡ് ഷോട്ട്, സച്ചിനെന്ന ക്രിക്കറ്റ് ദൈവത്തിന്റെ പ്രതിമ മുംബൈ വാങ്കഡെ സ്റ്റേഡിയത്തില് ഇന്ന് അനാച്ഛാദനം ചെയ്യും. വാങ്കഡെ സ്റ്റേഡിയത്തില് ആദ്യമായാണ് ഒരു ക്രിക്കറ്റ് താരത്തിന്റെ പ്രതിമ സ്ഥാപിക്കുന്നത്.
ക്രിക്കറ്റ് ഇതിഹാസം സച്ചിന് ടെണ്ടുല്ക്കറുടെ 50-ാം ജന്മദിനവുമായി ബന്ധപ്പെട്ടായിരുന്നു പ്രതിമ സ്ഥാപിക്കാനുള്ള പ്രഖ്യാപനം വന്നത്. സ്റ്റേഡിയത്തിലെ സച്ചിന് ടെണ്ടുല്ക്കര് സ്റ്റാന്ഡിനോട് ചേര്ന്നാണ് പ്രതിന സ്ഥാപിച്ചിരിക്കുന്നത്.ഇന്ത്യയും ശ്രീലങ്കയും തമ്മിലുള്ള ലോകകപ്പ് മത്സരം നടക്കാനിരിക്കെയാണ് അനാച്ഛാദനം.
അനാച്ഛാദന ചടങ്ങില് മഹാരാഷ്ട്ര മുഖ്യമന്ത്രി ഏകനാഥ് ഷിന്ഡെ, ഉപമുഖ്യമന്ത്രി ദേവേന്ദ്ര ഫഡ്നാവിസ്, സച്ചിന് ടെണ്ടുല്ക്കര്, ബി.സി.സി.ഐ സെക്രട്ടറി ജയ് ഷാ, ട്രഷറര് ആശിഷ് ഷെലാര്, മുംബൈ ക്രിക്കറ്റ് അസോസിയേഷന്റെ (എം.സി.എ) ഉദ്യോഗസ്ഥര് ഉള്പ്പെടെ വിവിധ പ്രമുഖര് പങ്കെടുക്കുമെന്ന് പ്രതീക്ഷിക്കുന്നു.