തിരുവനന്തപുരം: സംസ്ഥാനത്ത് ഓണ്ലൈന് ക്ലാസ് തുടങ്ങുന്നതിനു മുമ്പ് മുഴുവന് കുട്ടികള്ക്കും ഡിജിറ്റല് സൗകര്യം ഉറപ്പാക്കുമെന്ന് വിദ്യാഭ്യാസമന്ത്രി വി.ശിവന്കുട്ടി. കേരളത്തില് 2.6 ലക്ഷം കുട്ടികള്ക്കു കഴിഞ്ഞ വര്ഷം ഡിജിറ്റല് സൗകര്യം ഇല്ലായിരുന്നുവെന്നും സൗകര്യം ഇല്ലാത്ത പരമാവധി വിദ്യാര്ഥികള്ക്ക് കഴിഞ്ഞ വര്ഷം തന്നെ സൗകര്യം ഏര്പ്പാടാക്കിയെന്നും മന്ത്രി നിയമസഭയില് പറഞ്ഞു.
ആദ്യ രണ്ടാഴ്ച ട്രയല് ക്ലാസാണ് നടത്തുന്നത്. എല്ലാ വിദ്യാര്ഥികള്ക്കും ഡിജിറ്റല് സൗകര്യം ഉറപ്പാക്കാന് ട്രയല് ക്ലാസ് ഗുണം ചെയ്യും, മന്ത്രി വി.ശിവന്കുട്ടി സഭയില് പറഞ്ഞു. ഓണ്ലൈന് വിദ്യാഭ്യാസം നേരിടുന്ന വെല്ലുവിളികളെ കുറിച്ച് ചര്ച്ച വേണമെന്ന് ആവശ്യപ്പെട്ട് പ്രതിപക്ഷം നിയമസഭയില് അടിയന്തര പ്രമേയത്തിന് അനുമതി തേടിയെങ്കിലും നിഷേധിച്ചു. റോജി .എം. ജോണ് ആണ് അനുമതി തേടി നോട്ടീസ് നല്കിയത്.