64 കുപ്പി മദ്യവുമായി പിടിയില്
ശ്രീകണ്ഠപുരം: ഓട്ടോറിക്ഷയില് കൊണ്ടുപോവുകയായിരുന്ന 64 കുപ്പി മാഹി മദ്യവുമായി ഒരാള് അറസ്റ്റില്. ചെങ്ങളായി ചേരേമൂലയിലെ പാലങ്ങാട്ട് യൂസഫനെ (62) യാണ് ശ്രീകണ്ഠപുരം എക്സൈസ് ഇന്സ്പെക്ടര് സി. രജിത്ത് അറസ്റ്റുചെയ്തത്. ഓടി രക്ഷപ്പെട്ട കൂട്ടാളി ചെങ്ങളായി കുണ്ടംകൈയിലെ മണ്ണഞ്ചാല് പുതിയ പുരയില് വീട്ടില് ഫാറൂഖിനെതിരെ കേസെടുത്തു.
എക്സൈസ് പ്രിവന്റിവ് ഓഫിസര് വി.വി. ഷാജിക്ക് ലഭിച്ച രഹസ്യവിവരത്തിെന്റ അടിസ്ഥാനത്തില് എക്സൈസ് സംഘം നടത്തിയ പരിശോധനയിലാണ് പ്രതി പിടിയിലായത്. ഫാറൂഖിെന്റ വീട്ടുപരിസരത്തെ റബര് തോട്ടത്തില് ഒളിച്ചുവച്ച മദ്യവും പിടിച്ചെടുത്തു. നിരവധി ക്രിമിനല് കേസുകളില് പ്രതിയായ ഫാറൂഖ് ഗള്ഫില് ജയിലിലായിരുന്നുവെന്ന് അധികൃതര് പറഞ്ഞു. ഈയടുത്ത കാലത്താണ് ഫാറൂഖ് നാട്ടിലെത്തിയത്. മലയോര മേഖലയില് തെരഞ്ഞെടുപ്പ് കാലത്ത് മദ്യമൊഴുക്കാനുള്ള പദ്ധതിയാണ് എക്സൈസ് സംഘം തകര്ത്തത്.
ഫാറൂഖിനായി അന്വേഷണം ഊര്ജിതമാക്കി. പ്രിവന്റിവ് ഓഫിസര്മാരായ വി.വി. ഷാജി, കെ. സന്തോഷ് കുമാര്, പി.വി. പ്രകാശന്, സി.ഇ.ഒമാരായ എം. ഗോവിന്ദന്, എം.വി. പ്രദീപന്, സി. പ്രദീപ് കുമാര്, എം. രമേശന്, അഖില് ജോസ്, സുജേഷ് എന്നിവരും പരിശോധന സംഘത്തിലുണ്ടായിരുന്നു.