ശാന്തിഗിരിയുടെ അന്നദാനം കോട്ടയം ജില്ലയിലെ തിരുവാർപ്പ് ഗ്രാമപഞ്ചായത്തിൽ

സ്വന്തം ലേഖകൻ

നവഒലി ജ്യോതിർദിനാഘോഷവുമായി ബന്ധപ്പെട്ട് ശാന്തിഗിരി ആശ്രമം നമ്മുടെ സംസ്ഥാനത്ത് നടപ്പാക്കുന്ന അന്നദാനം പദ്ധതിയുടെ ഭാഗമായി കോട്ടയം ജില്ലയിൽ തിരുവാർപ്പ് ഗ്രാമ പഞ്ചായത്തിൽ സമൂഹ അടുക്കളയിലേക്കുള്ള ഭക്ഷണസാമഗ്രികൾ വിതരണം ചെയ്തു.
ഉച്ചക്ക് 2 മണിക്ക് ബഹുമാനപ്പെട്ട തിരുവാർപ്പ് ഗ്രാമപഞ്ചായത്ത് അസിസ്റ്റന്റ് സെക്രട്ടറി ശ്രീ വിജയരാജ് അവർകൾ ശാന്തിഗിരി ആശ്രമം പാമ്പാടി ഉപാശ്രമം ഇൻചാർജ് ആദരണീയ സ്വാമി ജയപ്രിയൻ ജ്ഞാന തപസ്വിയിൽ നിന്നും വിഭവങ്ങൾ ഏറ്റുവാങ്ങി.
കോവിഡ് മാനദണ്ഡങ്ങൾ പൂർണ്ണമായും പാലിച്ച് കൊണ്ട് നടത്തിയ പ്രസ്തുത ചടങ്ങിൽ ജില്ലാ പഞ്ചായത്ത്‌ മെമ്പർ ശ്രീ. ജയേഷ് മോഹൻ, തിരുവാർപ്പ് ഗ്രാമപഞ്ചായത്ത് മെമ്പർ ശ്രീ P.M മണി, ശ്രീ ശിവദാസ് ഗ്രാമപഞ്ചായത്ത് അംഗങ്ങൾ തുടങ്ങിയവർ സന്നിഹിതരായിരുന്നു.