![“Manju”](https://santhigirinews.org/wp-content/uploads/2020/04/YOUTUBE.jpg")
മനാമ: കോവിഡ് -19 രോഗികളുടെ എണ്ണം ഉയരുന്ന സാഹചര്യത്തില്‍ ബഹ്റൈനില്‍ കൂടുതല്‍ നിയന്ത്രണങ്ങള്‍ പ്രഖ്യാപിച്ചു. കോവിഡ് പ്രതിരോധത്തിനുള്ള നാഷണല്‍ മെഡിക്കല്‍ ടാസ്ക്ഫോഴ്സ് അംഗങ്ങള്‍ വാര്‍ത്താസമ്മേളനത്തിലാണ് പുതിയ നിയന്ത്രണങ്ങള്‍ അറിയിച്ചത്. ഷോപ്പിങ് മാള്‍, മാര്‍ക്കറ്റ്, റസ്റ്റോറന്‍റ്, സലൂണ്‍, സിനിമാ തിയേറ്റര്‍ എന്നിവിടങ്ങളില്‍ പ്രവേശനം കോവിഡ് വാക്സിന്‍ രണ്ടാം ഡോസ് സ്വീകരിച്ച്‌ 14 ദിവസമായവര്‍ക്കും കോവിഡ് മുക്തി നേടിയവര്‍ക്കും മാത്രമായി പരിമിതപ്പെടുത്തി. ഇവിടങ്ങളില്‍ 18 വയസില്‍ താഴെയുള്ളവര്‍ക്ക് പ്രവേശനമില്ല. സര്‍ക്കാര്‍ ഒാഫീസുകള്‍, സേവന കേന്ദ്രങ്ങള്‍ എന്നിവിടങ്ങളിലും ഇത് ബാധകമാണ്. അതേസമയം, സൂപ്പര്‍മാര്‍ക്കറ്റുകള്‍, ബാങ്കുകള്‍, ഫാര്‍മസികള്‍ എന്നിവിടങ്ങളിലെ പ്രവേശനത്തിന് ഇൗ നിയന്ത്രണം ബാധകമല്ല. വെള്ളിയാഴ്ച മുതല്‍ പ്രാബല്യത്തില്‍ വരുന്ന നിയന്ത്രണങ്ങള്‍ ജൂണ്‍ മൂന്ന് വരെ തുടരും.
