ജെല്ലി ഫിഷുകളുടെ ഭീതിയിൽ മത്സ്യത്തൊഴിലാളികൾ

കോഴിക്കോട് : ഉത്തരമലബാറിൽ കടലിൽ കൂട്ടത്തോടെ കാണുന്ന ജെല്ലി ഫിഷുകൾ ഭീതി പടർത്തുന്നു. ഇവയുടെ ആക്രമണത്തെ പേടിച്ച് മത്സ്യത്തൊഴിലാളികൾ കടലിൽ പോകാൻ വരെ മടിക്കുകയാണ്. കൂട്ടത്തോടെ യാത്ര ചെയ്യുന്ന ഇവയെ കാണാൻ ഭംഗിയുണ്ടെങ്കിലും അപകടകാരികളാണ്. വെള്ളയും ചുവപ്പും നിറത്തിലാണ് ജെല്ലി ഫിഷുകൾ കാണപ്പെടുന്നത്.

ഏകദേശം ഒന്നര കിലേയാണ് പൂർണവളർച്ചയെത്തിയ ജെല്ലി ഫിഷിന്റെ ഭാരം. ഇവ കൂട്ടത്തോടെ വലയിൽ കുരുങ്ങിയാൽ വലയിൽ നിന്നും വെള്ളം വാർന്നു പോകാതെ അത് പൊട്ടിപ്പോകാൻ സാധ്യതയുണ്ട്. വള്ളങ്ങളിൽ മത്സ്യബന്ധനത്തിനെത്തുന്ന തൊഴിലാളികൾക്കാണ് ഇവ കൂടുതൽ പ്രതിസന്ധി സൃഷ്ടിക്കുന്നത്.