ശ്രീജ.എസ്
ന്യൂഡല്ഹി: കര്ണാടകയിലെ 4000 കോടി രൂപയുടെ ഐ -മോണിറ്ററി അഡ്വൈസറിയുടെ പോന്സി അഴിമതിയുമായി ബന്ധപ്പെട്ടു കോണ്ഗ്രസിന്റെ മുന് മന്ത്രി റോഷന് ബേഗ് അറസ്റ്റില് ആയിരിക്കുന്നു. കോടതിയില് ഹാജരാക്കിയ അദ്ദേഹത്തെ 14 ദിവസത്തേക്ക് ജുഡീഷ്യല് കസ്റ്റഡിയില് വിട്ടിരിക്കുകയാണ്.വ്യക്തമായ തെളിവുകളുടെ അടിസ്ഥാനത്തിലാണ് റോഡന് ബേഗിനെ അറസ്റ്റ് ചെയ്തതെന്ന് സി.ബി.ഐ അറിയിക്കുകയുണ്ടായി.
റോഷന് ബേഗിനെ എം.എല്.എ സ്ഥാനത്തുനിന്ന് അയോഗ്യനാക്കിയിരുന്നു. 2019 ജൂണില് കോണ്ഗ്രസ് റോഷനെ സസ്പെന്ഡ് ചെയ്യുകയും ചെയ്തിരുന്നു. നിക്ഷേപകര്ക്ക് വന് ലാഭം വാഗ്ദാനം ചെയ്ത് കോടിക്കണക്കിന് രൂപ തട്ടിയെടുത്തുവെന്നതാണ് കേസ് ചുമത്തിയിരിക്കുന്നത്.
ബംഗളൂരു ആസ്ഥാനമായി പ്രവര്ത്തിക്കുന്ന ഐ.എം.എ ഗ്രൂപ്പ് പോണ്സി നിക്ഷേപ പദ്ധതിവഴി കോടിക്കണക്കിന് രൂപ തട്ടിയെടുത്തതിലായിരുന്നു സി.ബി.ഐ അന്വേഷണം നടക്കുന്നത്.