![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
തൃശൂര്‍: കോവിഡ് നിരീക്ഷണത്തിലുള്ളവരുടെ വീടുകളേതെന്ന് അറിയാന്‍ മാര്‍ഗമില്ലാത്തതിനാല്‍ തപാല്‍ ജീവനക്കാര്‍ വലയുന്നു. വാര്‍ഡ്തലത്തില്‍ തയാറാക്കിയ ക്വാറന്‍റീന്‍ വീടുകളുടെയും വ്യക്തികളുടെയും പട്ടിക അധികൃതര്‍ നല്‍കാത്തതിനാല്‍ ജീവനക്കാര്‍ക്ക് എല്ലാ വീടുകളിലും കയറിയിറങ്ങേണ്ടി വരുകയാണ്. വാര്‍ഡ്തലത്തില്‍ ഇതുമായി ബന്ധപ്പെട്ട പട്ടിക ആരോഗ്യവകുപ്പാണ് നല്‍കേണ്ടത്. തപാല്‍ ഓഫിസ് മേധാവികള്‍ ആരോഗ്യവിഭാഗത്തിന് കത്ത് നല്‍കിയെങ്കിലും പട്ടിക നല്‍കിയിട്ടില്ല. വീടുകള്‍ സംബന്ധിച്ച്‌ ആര്‍ക്കും വിവരങ്ങള്‍ കൈമാറരുതെന്ന നിര്‍ദേശം മൂലമാണ് പ്രാഥമികാരോഗ്യകേന്ദ്ര അധികൃതരോ ആശാ വര്‍ക്കര്‍മാരോ ഇത് നല്‍കാത്തത്.
