വിജയാഹ്ലാദം കുടുംബവുമായി വീഡിയോ കോളിലൂടെ പങ്കുവെച്ച് മെസ്സി: വീഡിയോ വൈറൽ

റിയോ ഡി ജനീറോ: കോപ്പ അമേരിക്ക ഫുട്‌ബോളിൽ കപ്പ് സ്വന്തമാക്കിയ മെസ്സി വിജയാഹ്ലാദം കുടുംബവുമായി വീഡിയോ കോളിലൂടെ പങ്കുവെയ്ക്കുന്ന ദൃശ്യങ്ങൾ സമൂഹമാദ്ധ്യമങ്ങളിൽ വൈറലാവുന്നു. കോപ്പ അമേരിക്കയുടെ ഔദ്യോഗിക ഇൻസ്റ്റഗ്രാം പേജിലാണ് വീഡിയോ എത്തിയത്.

https://www.instagram.com/p/CRLDvfUg4Ky/?utm_source=ig_web_copy_link

എന്തൊരു നിമിഷമാണിതെന്ന അടിക്കുറിപ്പോടെയാണ് വീഡിയോ പങ്കുവെച്ചിരിക്കുന്നത്. ലക്ഷക്കണക്കിന് ആരാധകരാണ് മണിക്കൂറുകൾക്കകം വീഡിയോ കണ്ടത്. 1993ന് ശേഷം ആദ്യമായാണ് അർജന്റീന കോപ്പ അമേരിക്ക കിരീടം ഉയർത്തുന്നത്. അവസാനത്തെ രണ്ട് മത്സരങ്ങളിലും വിജയം ബ്രസീലിനായിരുന്നു.

അർജന്റീനയോട് തോറ്റ് കിരീടം കൈവിട്ടതിന് പിന്നാലെ കണ്ണീരണഞ്ഞ ബ്രസീൽ സൂപ്പർ താരം നെയ്മറിനെ ആശ്വസിപ്പിക്കുന്ന മെസ്സിയുടെ വീഡിയോയും നേരത്തെ ശ്രദ്ധനേടിയിരുന്നു. നെയ്മറിനെ തോളോട് ചേർത്ത് കെട്ടിപ്പിടിച്ചാണ് മെസ്സി ആശ്വസിപ്പിച്ചത്.

മത്സര ശേഷം ഗ്രൗണ്ടിൽ ആഘോഷിക്കുകയായിരുന്ന അർജന്റീന ടീമിനടുത്തേയ്ക്ക് നെയ്മർ വരികയായിരുന്നു. മെസ്സിയെ അന്വേഷിച്ചാണ് നെയ്മർ എത്തിയത്. നെയ്മറെ കണ്ടയുടൻ തന്നെ ആഘോഷം നിർത്തി അടുത്തെത്തിയ മെസ്സി കെട്ടിപ്പിടിക്കുകയായിരുന്നു. നിരവധി പേരാണ് ഈ വീഡിയോയും പങ്കുവെച്ചിരിക്കുന്നത്.