സര്ക്കാര് ജീവനക്കാരുടെ പെരുമാറ്റം സര്വീസ് റൂളിന്റെ ഭാഗമാക്കണം
തിരുവനന്തപുരം: സര്ക്കാര് ജീവനക്കാരുടെ ജോലിയും കാര്യക്ഷമതയും പരിഗണിച്ച് വേണം സ്ഥാനക്കയറ്റം നല്കേണ്ടതെന്ന ഭരണപരിഷ്കാര കമ്മീഷന്റെ ശുപാര്ശയ്ക്ക് സര്ക്കാര് അംഗീകാരം. പെരുമാറ്റം സര്വീസ് റൂളിന്റെ ഭാഗമാക്കണമെന്നുള്ള ശുപാര്ശ സര്ക്കാര് അംഗീകരിച്ചതോടെ ഉടന് തന്നെ മാറ്റങ്ങള് പ്രാബല്യത്തിലാക്കി സര്ക്കുലര് ഇറങ്ങും.
ജോലിയും കാര്യക്ഷമതയും പരിഗണിച്ച് വേണം സ്ഥാനക്കയറ്റം നല്കേണ്ടതെന്നാണ് ശുപാര്ശ. ഫയലുകള് വൈകിപ്പിച്ചാലും ജനങ്ങളോട് മോശമായി പെരുമാറിയാലും ജോലിസമയത്ത് സീറ്റിലില്ലെങ്കിലും സ്ഥാനക്കയറ്റം തടയും.
സര്ക്കാര് ഉദ്യോഗസ്ഥരെ ഗസറ്റഡ്, നോണ് ഗസറ്റഡ് എന്ന് തരംതിരിച്ചും ഗസറ്റഡ് ഓഫീസര്മാര്ക്ക് 13, നോണ് ഗസറ്റഡ് ഓഫീസര്മാര്ക്ക് ഒന്പത് എന്ന് സ്കോര് നിശ്ചയിച്ചുമാണ് ഇതുവരെ സ്ഥാനക്കയറ്റം നിശ്ചയിച്ചിരുന്നത്.