ശ്രീജ.എസ്
കാണ്പുര്: കൊടുംകുറ്റവാളി വികാസ് ദുബൈയുടെ വിവരം നല്കുന്നവര്ക്കുള്ള പാരിതോഷിക തുക വര്ധിപ്പിച്ചു. ദുബൈയുടെ തലയ്ക്ക് പോലീസ് 2.5 ലക്ഷം രൂപയാണ് വിലയിട്ടിരിക്കുന്നത്. നേരത്തെ ഒരു ലക്ഷം രൂപയായിരുന്നു ഇയാളെ കാട്ടിക്കൊടുക്കുന്നവര്ക്കുള്ള പാരിതോഷികം. ഇതാണ് രണ്ടരലക്ഷമായി വര്ധിപ്പിച്ചത്. ഇയാളുടെ ചിത്രം ഇന്ത്യാ-നേപ്പാള് അതിര്ത്തി ചെക്പോസ്റ്റുകളില് പതിപ്പിച്ചു. ഇയാള് മധ്യപ്രദേശിലേക്കോ രാജസ്ഥാനിലേക്കോ കടന്നിരിക്കാമെന്നാണ് കരുതുന്നത്.
ദുബൈക്ക് വിവരങ്ങള് ചോര്ത്തി നല്കിയ നാല് പോലീസുകാരെ കൂടി ഇതിനകം സസ്പെന്ഡ് ചെയ്തിട്ടുണ്ട്. അറസ്റ്റ് ചെയ്യാനെത്തിയ പോലീസ് സംഘത്തിലെ എട്ടു പേരെയാണ് ദുബൈയും കൂട്ടാളികളും വകവരുത്തിയത്. ആക്രമണത്തില് നിരവധി പോലീസുകാര്ക്ക് പരിക്കേല്ക്കുകയും ചെയ്തു. പോലീസിന്റെ ആയുധവും തട്ടിയെടുത്താണ് സംഘം കടന്നുകളഞ്ഞത്. അറസ്റ്റ് വിവരം പോലീസുകാരില്നിന്നു തന്നെ ദുബൈ നേരത്തെ അറിഞ്ഞിരുന്നു.