![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
കോട്ടയം: കൊവിഡ് രോഗിയുമായി സമ്പര്ക്കം ഉണ്ടായതിനെ തുടര്‍ന്ന് എം എല്‍ എ ക്വാറന്റീനില്‍ പ്രവേശിച്ചു. വൈക്കം എം എല്‍ എ സി കെ ആശയാണ് ക്വാറന്റീനില്‍ പ്രവേശിച്ചത്. കഴിഞ്ഞ ദിവസം കൊവിഡ് പോസിറ്റീവായ അധ്യാപികയുമായി സമ്പര്ക്കം ഉണ്ടായതിനെ തുടര്‍ന്നാണ് തീരുമാനമെന്ന് എം എല്‍ എ അറിയിച്ചു.
അധ്യാപിക വിദ്യാര്‍ത്ഥിനിയുടെ വീട്ടില്‍ പഠന വിവരം അന്വേഷിച്ച്‌ എത്തിയതിന്റെ പിറ്റേ ദിവസം വിദ്യാര്‍ത്ഥിനിക്ക് ടെലിവിഷന്‍ നല്‍കുന്ന പരിപാടി ഉണ്ടായിരുന്നു. അതില്‍ എം എല്‍ എയും പങ്കെടുത്തിരുന്നു. അധ്യാപികയ്ക്ക് രോഗബാധ സ്ഥിരീകരിച്ചതോടെ എം എല്‍ എ ക്വാറന്റീനില്‍ പോകാന്‍ തീരുമാനിക്കുകയായിരുന്നു.
പരിപാടിയില്‍ പൊലീസുകാരുള്‍പ്പെടെ നിരവധി പേര്‍ പങ്കെടുത്തിരുന്നു. കൊവിഡ് സ്ഥിരീകരിച്ച അധ്യാപിക പുസ്തക വിതരണവും നടത്തിയിരുന്നു. ഇവരുടെ സമ്പര്‍ക്ക പട്ടികയില്‍ നൂറോളം പേര്‍ ഉള്ളതായും എല്ലാവരെയും കണ്ടെത്താന്‍ ശ്രമം തുടരുകയാണെന്നും അധികൃതര്‍ അറിയിച്ചു.
