ശ്രീജ.എസ്
തിരുവനന്തപുരം: സംഗീതജ്ഞന് ബാലഭാസ്കറിന്റെ അപകടമരണത്തില് നഷ്ടപരിഹാരം ആവശ്യപ്പെട്ട് ഡ്രൈവര് അര്ജുന് കോടതിയില്. അപകടസമയത്തു ബാലഭാസ്കറാണു വണ്ടിയോടിച്ചതെന്നും നഷ്ടപരിഹാരമായി ഒരു കോടി രൂപ വേണമെന്ന് ആവശ്യപ്പെട്ടാണ് അര്ജുന് കോടതിയെ സമീപിച്ചത്.
ബാലഭാസ്കറിന്റെ കുടുംബത്തെ എതിര്കക്ഷിയാക്കിയാണ് അര്ജുന്റെ ഹര്ജി. ബാലഭാസ്കറിന്റെ അലക്ഷ്യമായ ഡ്രൈവിംഗാണ് അപകടത്തിന് ഇടയാക്കിയതെന്നു ഹര്ജിയില് പറയുന്നു.
അതേസമയം, അപകടമുണ്ടായ സമയത്തു കാര് ഓടിച്ചിരുന്നത് ഡ്രൈവറായിരുന്ന അര്ജുനാണെന്നു ഫോറന്സിക് പരിശോധനയില് കണ്ടെത്തിയിരുന്നു. അര്ജുന്റെ തലയ്ക്കു പരിക്കേറ്റതു മുന് സീറ്റില് ഇരുന്നതിനാലാണെന്നാണും ഫോറന്സിക് പരിശോധനാ റിപ്പോര്ട്ടില് പറയുന്നു.
ബാലഭാസ്കറിന്റെ അപകടമരണം വഴിതിരിച്ചുവിടുന്ന നിലയില് വെളിപ്പെടുത്തല് നടത്തിയ കെഐസ്ആര്ടിസി ഡ്രൈവര്ക്കു ഗള്ഫില് ജോലി ലഭിച്ചതില് ദുരൂഹതയുണ്ടെന്നും ഇയാള്ക്ക് സ്വര്ണക്കടത്ത് സംഘവുമായി ബന്ധമുണ്ടെന്നും ആരോപിച്ചു ബാലഭാസ്കറിെന്റ ബന്ധുക്കള് രംഗത്തെത്തിയതിനു പിന്നാലെയാണു അര്ജുന്റെ ഹര്ജി. താത്കാലിക ഡ്രൈവറായിരുന്ന അജിയ്ക്കെതിരേയാണ് ആരോപണം.