സിന്ധുമോള് ആര്
ശ്രീനഗര്: ശ്രീനഗര്: കശ്മീരിലെ ഷോപ്പിയാനില് തീവ്രവാദികള് തട്ടിക്കൊണ്ടുപോയതായി കരുതുന്ന സൈനികന്റെ വസ്ത്രങ്ങള് കണ്ടെത്തി. സൈനികന് താമസിച്ചിരുന്ന വീട്ടില്നിന്നു മൂന്ന് കിലോ മീറ്റര് ദൂരത്ത് നിന്നാണ് വസ്ത്രം ലഭിച്ചത്. മൂന്ന് സ്ഥലങ്ങളില് നിന്നായി ലഭിച്ച വസ്ത്രത്തിന്റെ കഷ്ണങ്ങള് പ്രാദേശികവാസികളാണ് സുരക്ഷാജീവനക്കാരെ ഏല്പ്പിച്ചത്. ടെറിട്ടോറിയല് ആര്മി റൈഫിള്മാന് ഷാക്കിര് മന്സൂറിനെ ഷോപ്പിയാനിലെ റെഷിപോരയില് നിന്നാണ് കാണാതാവുന്നത്. ഷക്കീറിനെ കണ്ടെത്താനായി അന്വേഷണം ഊര്ജിതമാക്കി. ഞായറാഴ്ചയായിരുന്നു ഷക്കീറിനെ ഭീകരര് തട്ടിക്കൊണ്ടുപോയത്. അന്നു വൈകുന്നേരം ഷക്കീറിന്റെ കാര് കത്തിയ നിലയില് കുല്ഗാം ജില്ലയില് കണ്ടെത്തിയിരുന്നു.