പയ്യന്നൂര്: കാര് റോഡരികിലെ കുളത്തിലേക്കുമറിഞ്ഞ് പ്രവാസിക്ക് പരിക്ക്. കൂടെയുണ്ടായിരുന്ന മകള് അത്ഭുതകരമായി രക്ഷപ്പെട്ടു.
വ്യാഴാഴ്ച രാവിലെ ഏഴോടെ ദേശീയപാതയില് വെള്ളൂര് രാമന്കുളത്തായിരുന്നു അപകടം. പരിക്കേറ്റ വിനോദിനെ പയ്യന്നൂര് സഹകരണ ആശുപത്രിയില് പ്രവേശിപ്പിച്ചു. പയ്യന്നൂര് സെന്റ് മേരീസ് സ്കൂളില് പത്താം ക്ലാസില് പഠിക്കുന്ന മകള് ദിയയെ വീട്ടില് നിന്നും പയ്യന്നൂരിലെ ട്യൂഷന് സെന്ററിലേക്ക് കൊണ്ടുപോകുന്നതിനിടെയാണ് അപകടം. അമിതവേഗതയില് വന്ന ലോറി ഓവര്ടേക്ക് ചെയ്യുന്നതിനിടെ ഇവര് സഞ്ചരിച്ച കാര് മതില് തകര്ത്ത് കുളത്തിലേക്ക് വീഴുകയായിരുന്നു. അപകടത്തിനിടയാക്കിയ ലോറി നിര്ത്താതെ പോയി.
കുളത്തിലേക്ക് മറിഞ്ഞ കാര് വെള്ളത്തില് വീഴാതെ പടവുകളില് നിന്നതുകാരണം ദുരന്തമൊഴിവായി. മുമ്പും ഈ കുളത്തില് കാര് വീണിരുന്നു. ദേശീയപാത വികസനത്തിന്റെ ഭാഗമായി കുളം പൂര്ണമായും മണ്ണിട്ടുമൂടും.