സിന്ധുമോള് ആര്
തലശ്ശേരി: ധര്മടം പഞ്ചായത്തില് അണ്ടലൂര് ഭാഗങ്ങള് ഉള്പ്പെടുന്ന അഞ്ചാം വാര്ഡ് കണ്ടെയ്ന്മെന്റ് സോണാക്കി. കണ്ണൂര് എ.ആര് ക്യാമ്പിലെ പൊലീസുകാരന് കോവിഡ് സ്ഥിരീകരിച്ചതിനെ തുടര്ന്നാണിത്. അണ്ടലൂര്, കാറാടി പ്രദേശങ്ങളിലാണ് ജാഗ്രത. പൊലീസുകാരനെ കോവിഡ് നിരീക്ഷണ കേന്ദ്രത്തിലേക്ക് മാറ്റി. ഇദ്ദേഹത്തിെന്റെ വീട്ടുകാരെ നിരീക്ഷണത്തിലാക്കിയിട്ടുണ്ട്.
കാറാടി പ്രദേശത്തെ റോഡുകള് പൊലീസ് അടച്ചിട്ടു. സമ്പര്ക്കത്തിലൂടെയാണ് പൊലീസുകാരന് കോവിഡ് ബാധിച്ചതെന്നാണ് സൂചന. തലശ്ശേരി പൊലീസ് കണ്ട്രോള് റൂമില് നേരത്തേ കോവിഡ് ബാധിച്ച മുഴപ്പിലങ്ങാട് എസ്.ഐയുമായി സമ്പര്ക്കത്തിലുള്ള പൊലീസ് ഡ്രൈവറുമായി അടുത്ത് താമസിക്കുന്നവരാണ് എ.ആര് ക്യാമ്പിലെ പൊലീസുകാരനും കുടുംബവും.
കോവിഡ് ബാധിച്ച് ചികിത്സയില് കഴിയുന്നതിനിടയില് നടത്തിയ പരിശോധനയില് എസ്.ഐയുടെ ഫലം പിന്നീട് നെഗറ്റിവായിരുന്നു. ഇദ്ദേഹത്തിെന്റ ഡ്രൈവര്ക്കും കോവിഡില്ലെന്നാണ് പരിശോധന റിപ്പോര്ട്ട്. സമ്പര്ക്കം കാരണം നിരീക്ഷണത്തില് കഴിഞ്ഞ പൊലീസുകാരന് തിരികെ എ.ആര് ക്യാമ്പില് ഡ്യൂട്ടിക്ക് പോവുന്നതിനു മുമ്പായി നടത്തിയ പരിശോധനയിലാണ് ഫലം പോസിറ്റിവായത്.