ശ്രീജ.എസ്
ശ്രീനഗര്: ജമ്മു കാശ്മീരില് 4ജി ഇന്റര്നെറ്റ് സര്വ്വീസ് പുനസ്ഥാപിച്ചു. പരീക്ഷണാര്ഥം ഗന്ദേര്ബാള്, ഉദംപുര് എന്നീ രണ്ട് ജില്ലകളിലാണു ഇന്നലെ 4ജി ഇന്റര്നെറ്റ് പുനസ്ഥാപിച്ചത്.
ഞായറാഴ്ച രാത്രി ഒന്പതു മുതല് 4ജി സേവനങ്ങള് ഉപഭോക്താക്കള്ക്ക് ലഭ്യമായി തുടങ്ങി. സെപ്റ്റംബര് എട്ടു വരെ ഇന്റര്നെറ്റ് ഇത്തരത്തില് ലഭ്യമായി തുടരുമെന്നാണ് അധികൃതര് അറിയിച്ചത്.
നിലവില് പോസ്റ്റ്പെയ്ഡ് ഉപഭോക്താക്കള്ക്കാണു 4ജി സേവനങ്ങള് ലഭിക്കുക. പ്രീപെയ്ഡ് ഉപഭോക്താക്കള്ക്ക് ഈ സേവനം ലഭിക്കാന് വെരിഫിക്കേഷന് കഴിയുന്നതുവരെ കാത്തിരിക്കേണ്ടിവരും.
2019 ഓഗസ്റ്റ് അഞ്ചിന്, ജമ്മു കാഷ്മീരിന്റെ പ്രത്യേക പദവി റദ്ദാക്കി സംസ്ഥാനത്തെ കേന്ദ്ര ഭരണ പ്രദേശങ്ങളായി വേര്തിരിക്കുന്നതിനു മുന്പാണ് കേന്ദ്ര സര്ക്കാര് ഇന്റര്നെറ്റ് സേവനങ്ങള് റദ്ദാക്കിയത്.