ഉസ്ബെക്കിസ്ഥാനില്‍ ശാന്തിഗിരി വെല്‍നസ് സെന്റര്‍ ആരംഭിച്ചു.

താഷ്ക്കെന്റ് (ഉസ്ബെക്കിസ്ഥാൻ) : ശാന്തിഗിരി വെല്‍നസ് സെന്റര്‍ ഉസ്ബെക്കിസ്ഥാനില്‍ 17-10-2022 തിങ്കളാഴ്ച ഉച്ചയ്ക്ക് 12 മണിക്ക് ഉദ്ഘാടനം ചെയ്യപ്പെട്ടു. ഉസ്ബെക്കിസ്ഥാൻ ഡെപ്യൂട്ടി ഹെല്‍ത്ത് മിനിസ്റ്റര്‍ ഡോ. എല്‍മിര ബോസിതനോവയാണ് നാടമുറിച്ച് വെല്‍നസ് സെന്റര്‍ ഉദ്ഘാടനം ചെയ്തത്.  ഉസ്ബെക്കിസ്ഥാന്റെ തലസ്ഥാനമായ താഷ്ക്കന്റില്‍ യക്കാസരേ ജില്ലയിലെ മുക്കുമീ സ്ട്രീറ്റ് – 1 ലാണ് ശാന്തിഗിരി ആയുര്‍വേദിക് വെല്‍നസ് സെന്റര്‍ ആരംഭിച്ചത്. കേരളത്തിലേയും യു.എ.ഇ.യിലേയും പ്രമുഖ ബിസിനസ് സ്ഥാപനമായ കോണ്ടൂര്‍ ഗ്രൂപ്പുമായി ചേര്‍ന്നാണ് ശാന്തിഗിരി ആശ്രമം ഉസ്ബെക്കിസ്ഥാനില്‍ വെല്‍നസ് സെന്റര്‍ ആരംഭിച്ചത്.