മുന് രാഷ്ട്രപതി പ്രണബ് മുഖര്ജി അന്തരിച്ചു
ന്യൂഡല്ഹി. മുന് രാഷ്ട്രപതി പ്രണബ് മുഖര്ജി അന്തരിച്ചു. ഡല്ഹിയിലെ ആര്മി റിസള്ട്ട് ജനറല് ആശുപത്രിയില് വച്ചായിരുന്നു അന്ത്യം. തലച്ചോറില് രക്തം കട്ടപിടിച്ച തിനാല് ശസ്ത്രക്രിയയ്ക്ക് വിധേയനായിരുന്നു അദ്ദേഹം. 1935 ഡിസംബര് 11 ന് പശ്ചിമബംഗാളിലാണ് ജനിച്ചത്. കേന്ദ്രമന്ത്രി സഭയില് ധനകാര്യ വകുപ്പ് മന്ത്രിയായിരുന്നു. പതിനാലാം ലോകസഭയിലെ വിദേശകാര്യ മന്ത്രിയായിരുന്നു. പതിനഞ്ചാം ലോകസഭയിലെ അംഗവുമാണ്. ഇന്ത്യന് നാഷണല് കോണ്ഗ്രസ് അംഗമായ ഇദ്ദേഹം പശ്ചിമബംഗാളിലെ ജാംഗിപ്പൂര് ലോകസഭാമണ്ഡലത്തില് നിന്നുമാണ് ലോകസഭാംഗമായത്. 2019ല് ഭാരതത്തിന്റെ പരമോന്നത സിവിലിയന് ബഹുമതിയായ ഭാരതരത്ന നല്കി രാഷ്ട്രം ആദരിച്ചു.
രാഷ്ട്രീയ സമാജ്വാദി കോണ്ഗ്രസ്സ് എന്നൊരു രാഷ്ട്രീയ പാര്ട്ടി രൂപീകരിച്ചു. എന്നാല് 1989 ല് രാജീവ് ഗാന്ധിയുമായി ഒത്തു തീര്പ്പിലെത്തി, ഈ സംഘടന കോണ്ഗ്രസ്സില് ലയിച്ചു. പി.വി. നരസിംഹറാവു പ്രധാനമന്ത്രി ആയിരുന്ന കാലത്ത് പ്രണബിനെ ആസൂത്രണ കമ്മീഷന് ഉപാദ്ധ്യക്ഷനായി നിയമിച്ചു. പിന്നീട് 1995 ല് ധനകാര്യ മന്ത്രിയുമായി ചുമതലയേറ്റു. സോണിയ ഗാന്ധി കോണ്ഗ്രസ്സ് പാര്ട്ടിയുടെ നേതൃത്വസ്ഥാനത്തേക്ക് എത്തിയതിന്റെ പിന്നിലുള്ള മുഖ്യ സൂത്രധാരന് പ്രണബ് ആണെന്നു വിശ്വസിക്കപ്പെടുന്നു. ബംഗാളില് നിന്ന് ഇന്ത്യന് രാഷ്ട്രപതിയാകുന്ന ആദ്യ വ്യക്തിയാണ്. ബജറ്റ് അവതരിപ്പിച്ച ആദ്യ ബംഗാളിയെന്ന അംഗീകാരവും പ്രണബിനു സ്വന്തം. രണ്ടാം യുപിഎ സര്ക്കാരില് ധനമന്ത്രിയായിരിക്കുമ്പോള് ദേശീയ ഗ്രാമീണ തൊഴിലുറപ്പ് നിയമം, പെണ്കുട്ടികളുടെ സാക്ഷരത ആരോഗ്യ പരിരക്ഷാ പദ്ധതി തുടങ്ങിയവ വഴി ശ്രദ്ധേയനായി.