![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍. ആര്‍
മുംബൈ: മഹാരാഷ്ട്രയില്‍ 24 മണിക്കൂറിനകം 364 പൊലീസുകാര്‍ക്ക് കോവിഡ് സ്ഥിരീകരിക്കുകയും നാല് ഉദ്യോഗസ്ഥര്‍ മരണപ്പെടുകയും ചെയ്തു. രാജ്യത്ത് ഏറ്റവും കൂടുതല്‍ കോവിഡ് രോഗികളുള്ള മഹാരാഷ്ട്രയില്‍ ബുധനാഴ്ച 20,367 പേര്‍ക്കാണ് കോവിഡ് സ്ഥിരീകരിച്ചത്. ഇതോടെ സംസ്ഥാനത്തെ കോവിഡ് രോഗികളുടെ എണ്ണം 11.21 ലക്ഷമായി. കഴിഞ്ഞ ദിവസം 474 പേര്‍ കൂടി മരിച്ചതോടെ മഹാരാഷ്ട്രയിലെ കോവിഡ് മരണം 30,883 ആയി. 474 മരണത്തില്‍ 50 എണ്ണവും റിപ്പോര്‍ട്ട് ചെയ്തത് മുംബൈയിലാണ്. പൂനെയില്‍ 49 ഉം നാഗ്പൂരില്‍ 39 പേരും മരിച്ചു. ദേശീയ നിരക്കിനേക്കാള്‍ കോവിഡ് മരണനിരക്കുള്ളതും മഹാരാഷ്ട്രയിലാണ്. 2.75 ശതമാനമാണ് ഇവിടുത്തെ കോവിഡ് മരണനിരക്ക്. അതേസമയം, മഹാരാഷ്ട്രയില്‍ കോവിഡ് രോഗമുക്തി നിരക്ക് വര്‍ധിച്ചിട്ടുണ്ട്. വ്യാഴാഴ്ച പുറത്തുവിട്ട റിപ്പോര്‍ട്ട് പ്രകാരം 70.71 ശതമാനമാണ് രോഗമുക്തിനിരക്ക്
