ശ്രീജ.എസ്
ലൈഫ് മിഷന് പദ്ധതി ഇടപാടില് വിജിലന്സ് അന്വേഷണം പ്രഖ്യാപിച്ച് സംസ്ഥാന സര്ക്കാര് ഉത്തരവിറക്കി. ലൈഫ് പദ്ധതിയില് നാലേകാല് കോടി രൂപ കമ്മീഷന് കൈപ്പറ്റിയെന്ന ആരോപണത്തിലാണ് അന്വേഷണം.
ലൈഫ് മിഷന് ക്രമക്കേടിനെക്കുറിച്ച് വിവാദം ഉയര്ന്നു തുടങ്ങിയിട്ട് മാസങ്ങളായി. പദ്ധതി സംബന്ധിച്ച ധാരണാപത്രം, വിവരാവകാശ നിയമപ്രകാരം ആവശ്യപ്പെട്ടിട്ടും പ്രതിപക്ഷനേതാവിനോ മാധ്യമങ്ങള്ക്കോ വെളിപ്പെടുത്താന് സര്ക്കാര് തയ്യാറായിരുന്നില്ല. എല്ലാം പരിശോധിക്കുകയാണെന്ന് മാത്രമാണ് മുഖ്യമന്ത്രി പിണറായി വിജയന് പറഞ്ഞിരുന്നത്.
ആരോപണങ്ങളും വിവാദങ്ങളും ശക്തമായ സാഹചര്യത്തിലാണ് സര്ക്കാര് ഇപ്പോള് വിജിലന്സ് അന്വേഷണത്തിന് ഉത്തരവിട്ടിരിക്കുന്നത്