കേന്ദ്ര സര്‍ക്കാര്‍ സാമ്പത്തിക സഹായമായി കേ​ര​ള​ത്തി​ന് നല്‍കുന്നത് 9006 കോ​ടി രൂ​പ

സിന്ധുമോൾ. ആർ

ന്യൂഡല്‍ഹി : കേന്ദ്രസര്‍ക്കാരില്‍ നിന്ന് ജി.​എ​സ്.​ടി ന​ഷ്​​ട​പ​രി​ഹാ​ര​മാ​യി കേ​ര​ള​ത്തി​ന് ലഭിക്കുന്നത് 9006 കോ​ടി . 2021 ജ​നു​വ​രി വ​രെ​യു​ള്ള ക​ണ​ക്കു പ്രകാരമാണിത്. ഐ.​ജി.​എ​സ്.​ടി വ​ഴി 834 കോ​ടി രൂ​പ കൂ​ടി ഈ ആഴ്ച കി​ട്ടി​യേ​ക്കും. കേരളത്തിന് ലഭിക്കാനുള്ള 9006 കോ​ടി രൂ​പയില്‍ 915 കോ​ടി ല​ഭി​ച്ചു കഴിഞ്ഞു. മാത്രമല്ല, 3239 കോ​ടി രൂ​പ കേ​ന്ദ്ര​ത്തി​ന്​ ല​ഭി​ച്ച സെ​സി​ല്‍​നി​ന്നും 5767 കോ​ടി രൂ​പ കേ​ന്ദ്രം വാ​യ്പ​യെ​ടു​ക്കു​ന്ന​തി​ല്‍​ നി​ന്നു​മാ​ണ് നല്‍​കു​ക.

സെ​സ് വ​ഴി 2324 കോ​ടി രൂ​പ കൂ​ടി ഇനി ലഭിക്കാനുണ്ട്. സം​സ്ഥാ​ന​ങ്ങ​ള്‍ അം​ഗീ​കാ​രം ല​ഭ്യ​മാ​ക്കി​യ ശേ​ഷം റി​സ​ര്‍​വ് ബാ​ങ്ക് വ​ഴി വാ​യ്പ​യെ​ടു​ത്ത പണം വി​ത​ര​ണം ചെ​യ്യും. 60,000 കോ​ടി രൂ​പ​യു​ടെ കാ​ര്യ​ത്തി​ല്‍ കേ​ന്ദ്ര​വും സം​സ്ഥാ​ന​ങ്ങ​ളു​മാ​യി ത​ര്‍​ക്കം ഇപ്പോഴും ബാ​ക്കി​യാ​ണ്. ഇ​ത് വിപണിയില്‍​ നി​ന്ന് വാ​യ്പ​യെ​ടു​ക്ക​ണ​മെ​ന്നാ​ണ് ആ​ദ്യം കേ​ന്ദ്രം പറഞ്ഞിരുന്നത്. കേ​ന്ദ്രം വായ്പയെടുത്ത് നല്‍കുകയാണെങ്കില്‍ ആ ​വ​ക​യി​ല്‍ 3000 കോ​ടി രൂ​പ കൂ​ടി ലഭിക്കും.