ശ്രീജ.എസ്
തിരുവനന്തപുരം: തദ്ദേശ തെരഞ്ഞെടുപ്പ് ഫലം വന്നതിന് പിന്നാലെ ബിജെപിയിലും അതൃപ്തി. തെരഞ്ഞെടുപ്പിന് മുന്പ് ഉണ്ടായിരുന്ന അനുകൂല സാഹചര്യം മുതലാക്കാന് ആയില്ലെന്ന് മുതിര്ന്ന നേതാവ് ഒ രാജഗോപാല് പറഞ്ഞു. സ്ഥാനാര്ത്ഥി നിര്ണ്ണയത്തില് പ്രശ്നങ്ങളുണ്ടായി. ശോഭ സുരേന്ദ്രന്റെ പരാതി പരിഹരിക്കേണ്ടത് ആയിരുന്നെന്നും ഒ രാജഗോപാല് പറഞ്ഞു.
സീറ്റ് വിഭജനത്തില് പോരായ്മയുണ്ടായി. ഒത്തൊരുമയും കൂട്ടായ്മയും നിലനിര്ത്തുക പ്രധാനമാണ്. അങ്ങനെ വേണം മുന്നോട്ട് പോകാന്. തോന്നിയ പോലെ പരീക്ഷണം നടത്തിയാല് അബദ്ധത്തിലാകും. പാര്ട്ടിയുടെ വളര്ച്ചയുടെ ഗതി പോരെന്നും രാജഗോപാല് നേതാവ് പറഞ്ഞു.