വാഴക്കാട്: വാഴക്കാട് പഞ്ചായത്തിലെ 15ാം വാര്ഡ് കണ്ണത്തുംപാറയില് ഇത്തവണ താമര വിരിഞ്ഞില്ല. 2015ലെ തെരഞ്ഞെടുപ്പില് വാഴക്കാട് പഞ്ചായത്ത് ഭരണസമിതിയിലെ ഏക ബി.ജെ.പി പ്രതിനിധി ഈ വാര്ഡില്നിന്നായിരുന്നു. ഇത്തവണ യു.ഡി.എഫ് പിന്തുണയോടെ മത്സരിച്ച സ്വതന്ത്ര സ്ഥാനാര്ഥി ഒ. മൂസക്കുട്ടിയാണ് ഇവിടെ വിജയിച്ചത്.
ബി.ജെ.പിക്ക് മേല്ക്കോയ്മയുള്ള കണ്ണത്തുംപാറയില് ബി.ജെ.പി സ്ഥാനാര്ഥിയും മുന് പഞ്ചായത്തംഗവുമായ ഷീബ സിദ്ധാര്ഥനെ 57 വോട്ടിനാണ് ഓട്ടോ ചിഹ്നത്തില് മത്സരിച്ച മൂസക്കുട്ടി പരാജയപ്പെടുത്തിയത്. 2015ലെ തെരഞ്ഞെടുപ്പില് 37 വോട്ടിെന്റ ഭൂരിപക്ഷത്തിലായിരുന്നു ഷീബ ഈ വാര്ഡില്നിന്ന് തെരഞ്ഞെടുക്കപ്പെട്ടിരുന്നത്.
19 വാര്ഡുകളുള്ള വാഴക്കാട് പഞ്ചായത്തില് 16 വാര്ഡുകളും യു.ഡി.എഫ് ജയിച്ചടക്കിയപ്പോള് കേവലം രണ്ടു സീറ്റുകള് മാത്രമാണ് എല്.ഡി.എഫിന് ലഭിച്ചത്.