ശ്രീജ.എസ്
കൊച്ചി: കള്ളപ്പണം വെളുപ്പിച്ചെന്ന കേസില് മുഖ്യമന്ത്രിയുടെ മുന്പ്രിന്സിപ്പള് സെക്രട്ടറി എം.ശിവശങ്കരിനെതിരെ എന്ഫോഴ്സ്മെന്റ് ഡയറക്ടറേറ്റ് കുറ്റപത്രം സമര്പ്പിച്ചു. ശിവശങ്കര് അറസ്റ്റിലായി അറുപത് ദിവസം പൂര്ത്തിയാവാനിരിക്കെയാണ് ഇഡി കോടതിയില് കുറ്റപത്രം സമര്പ്പിച്ചത്. ഇതോടെ അദ്ദേഹത്തിന് സ്വാഭാവിക ജാമ്യം ലഭിക്കാനുള്ള സാധ്യതയും അവസാനിച്ചു.
സ്വര്ണക്കടത്തിന്റെ മുഖ്യ സൂത്രധാരനാണ് എം.ശിവശങ്കറെന്ന് കുറ്റപത്രത്തില് പറയുന്നു. മൂന്ന് ഭാഗങ്ങളായി തയ്യാറാക്കിയ കുറ്റപത്രത്തില് ആയിരത്തിലധികം പേജുകളുണ്ട്. കള്ളപ്പണക്കേസില് ശിവശങ്കറിന്റെ സ്വത്തുക്കള് കണ്ടുകെട്ടാന് എന്ഫോഴ്സ്മെന്റ് ഡയറക്ടറേറ്റ് കഴിഞ്ഞദിവസം ഉത്തരവിട്ടിരുന്നു. കേസ് അന്വേഷിക്കുന്ന ഇഡി സംഘം സമര്പ്പിക്കുന്ന രണ്ടാമത്തെ കുറ്റപത്രമാണിത്.